ASHRAF MANSOOR HUSSAIN: BLOG REVISITED

Blog yang memuatkan kisah dan pengalaman Alumni Tunku Besar School Tampin - Nostalgia tahun-tahun silam.

Friday, 10 August 2012

"BY GOD WHAT A REUNION OF MATES AND STUDENT," SAYS ASHRAF HUSSAIN

Alumni Tunku Besar School Tampin, Mohd. Ashraf Mansoor Hussain.

Ini adalah nota tulisan tangan Alumni Tunku Besar School Tampin yang pada 6 Mac 2010 mengunjungi ghumah ese di Sg. Buloh, Shah Alam. Nama penuhnya Mohd. Ashraf Mansoor Hussain dan tinggal di Damansara Utama, Petaling Jaya. Beginilah bunyi nota yang diabadikan dalam diari Tahun 2010 ese: "By God what a reunion of Mates and Student - Mohd. Ashraf Mansoor Hussain 012 3728312, 69, SS21/27 Damansara Utama, 47400 Petaling Jaya."

Ese pun mombaleh nota eh macam ni,"Fated or just sheer coincidence. Of all the places, should it be at 1630, Jalan Gajah 9, Kg. Kubu Gajah, Sg. Buloh. TBS of yesteryears 6/3/2010."


Nota Ashraf Hussain di Diari 2010 ese...

Somuo ini bomulo bilo sopupu oghang ghumah ese, Munir, yang kito panggil Atan sajo, bokunjung ko ghumah ese untuk botomu dongan omak sodaro eh, Asiah Minhat, yang dio panggil Mak Yah. Omak sodaro eh ini nginap sobontar di ghumah ese dan Munir ambik kosompatan bokunjong. Munir bawak kawan eh yang jugak jiran tomankan dio ko Sg. Buloh. Bilo Munir kona an Ashraf kopado ese, dio toporanjat bilo nama sokolah TBS disobot. Ashraf tak sangko boto boleh jumpo school-mate kek tompek yang tak ponah dio dugo. Ese lupo tahun borapo Ashraf ini sokolah kek TBS. Yang tambah monakjub an dio ialah dio tokojuit amek-amek bilo dapek tahu anak buah ese, yang kami panggil Sazali Karim kami kona an dongan dio. Sazali jugak mengunjjungi kami. Ghupo-ghupo eh Sazali ini adalah bokeh anak murid Ashraf. Mako panjanglah coghito eh. Sudah eh, pertemuan sojam jadi lobih duo jam.

Pertemuan nostalgik di Sg. Buloh: dari kiri Alumni TBSST, Mohd Ashraf Mansoor Hussain, Ahmad Fadzil Yassin (1962), Omak Sodaro Munir Asiah Minhat dan Munir Hussain (Atan)

 

Kami pon coghito panjanglah, antara school-mates dan antara student-teacher. Munir lak bobual dongan omak sodaro eh dan jugo duo sopupu pompuan, iaitu oghang ghumah ese dan adik pompuan oghang ghumah ese yang nama eh Zubaidah, yang kami panggil Bai sajo. Sazali ini adalah monantu Bai, dio kahwin dongan anak Bai yang tuo dan tingga di Bangi Perdana, Bandar Baru Bangi.

Student-teacher relationship: Ashraf (kiri) dengan Sazali Karm berbincang tentang tahun-tahun persekolahan.
Pagi ini bilo toingat an poristiwa ini, ese tak abih-abih kotawo. Dalam kopalo masih ese tortanyo-tanyo: Of all the places...

Foto bosamo dari kiri: Ashraf (mombolakangi kamera), Sazali, Mak Yah, Munir dan Zubaidah Suleiman (Bai).