PENGUMUMAN PRESIDEN: KOJO SUKORELA YANG SOMONGGAH

 Reuni 1 Mei 2012 di Kedai Kopi, Shah Alam

Assalamualaikum,

Pado pandangan sei kan, Grup TBSST ni walau nampak tak semonggah yo, terutamo kalau ditengok di sebolah eteh eh....kepalo takdo, bodan takdo....ekor yo yang banyak berjejer-jejer. Tengoklah tu, Persatuan takdo, yang ado hanyo a group of people, bodaftar tidak, berperaturan tidak, yuran takdo, duit tak ponah kutip.....Ado sorang kepalo yang dipanggei Presiden, itu pun bukan dipilih, tapi pakai tunjuk2 yo. Dulu ado sorang Secretary tunjuk, secretary tu pun dah arwah, (Al-Fatihah untuk MZMY).....admin tak ado....yang ado hanyo abang Fadzil yang secara sukarela dan langsung tak menonjolkan namo eh kek mano2 jawatan, bertungkus lumuih melaksanokan kojo2 admin pri-of-caj.......

 Reuni Kedua, jugak di Kedai Kopi, Shah Alam. Tak seramai yang awal.

Di suatu ketiko, maso Alumni wujud, banyak soro sumbang membuek ramalan Grup TBSST dan Alumni kito akan hancor berkocai, akan hilang lonyap......

 Badge TBST, lambang kemegahan dan kekuatan Alumni.

Tapi harini kito dongan banggonyo mengatokan Grup TBSSt totap utuh, keahliah eh makin ramai, perbincangan2 eh makin rancak dn aktiviti2 eh makin menimbun.....memang handal grup kito ni. Tak payah kepalo, tak payah bodan....dongan ekor yang berjejer2 yo kito mampu bertahan, malah makin maju, makin kombang, makin utuh.......

 Kembara TIBIES pertama di Semerbok, ghumah Aziz Ujang.

Esei sebagai "Presiden tunjuk" ni ingin mengatokan kejayaan kito ni adolah eteh sobab bulat eh ahli2 kito apobilo berbincang dan bertindak....apo dicadang, sumo ngikut....jarang ado bantahan. Syabas Ahli2 sekelian......saya jugak melihat ahli2 bukan sajo bertambah dari sogi bilangan, penglibatan masing2 pun bertambah rancak......Selain dari orang2 lamo macam AFY, AAB dan CLA, ado ramai muko2 baru yang menceriokan grup kito.....Terimo kasih amek kepado ahli2 saperti HO, IO, AA, K Teh, MI, GY, SS, JU, Ann, Rozita dan ghamai lagi yang telah menghidupkan grup kito......timo kasih sekali lagi.

 Sobolun ke Semerbok, sompek bogambar di ghumah koluargo Tn Presiden di Ponajih.

Namun di dalam esei menjalankan peranan sebagai "kepalo" tanpa tauliah ni, kadang2 ado jugak maso eh sei buek silap.....sei ngaku yolah tu. Kadang2 salah cakap, kadang2 salah buek......tapi sumo tu taklah disengajokan. Sei pun soda sei tak dapek memuehkan ati sumo kawan2. Macamano pun mensti ado kekurangan.....oleh itu kok ado salah silap mano2, sei mintak banyak2 maap yolah yo....

 Ziarah arwah MZMY sobolon pongkobumian di rumah keluarga di Kepong.Al-Fatihah...

Haa yo, ado satu bondo laei sei nak koba......kito sumo sebagai ahli ni harap2 mainlah peranan masing2 untuk membantu admin yang tak ponah wujud ni. Special mention, sei nak ucap terimo kasih kepado GY Dan AA yang telah menyatakan kesudian mereko untuk membantu bilo kito perlukan sedikit tenago. Dan ahli2 yang lain, kalu boleh jongok2lah selalu pekembangan grup kito, tengok apo kito buek. Janganlah pulak mintak dijomput baru nak datang. Kok dah tau kito ado aktiviti, ikut yolah, tak payahlah tunggu undangan. TBSST ni kito samo2 punyo, kito samo2 menjayokannyo......mungkin disinilah lotak eh kejayaan kito selamo ni.....takdo pemerintah dan takdo yang diperintah.

Sojak sokian lamo tak jumpo Cikgu Hamzah Othman, Kini hajat tercapai juo kek ghumah Ghaali Yasin, terminal akhir Kombara TIBIES sulong Alumni.

 Pertemuan di ghumah Salleh Simon di Kemensah Heights. paling ghamai hadir moghisik konangan.

Last sekali, sei ulangi sei mintak maap kok dah tersalah baso atau dah tersalah laku di mano2.......