Thursday 13 December 2012

DIALOG OGHANG SONJO KISAH GODOBUNG MIDIN DAN PAK KOCOK KOTO & MOMPOGHAH




Ghumah Dak Abok tompek kami bomain waktu kocik-kocik dulu. Rumah ini dah jadi ghumah tingga.

Ahmad Fadzil Yassin: Dalam situasi begini, apalah yang mampu dilakukan seorang tua seperti saya ini kecuali membaca buku berulang kali daripada koleksi yang ada dan mengeluarkan karingat waktu pagi dengan mesin rumput di pekarangan kediaman sekangkang kera. Dan tentunya membelek-belek foto lama sejak di bangku sekolah lagi.

Like ·  · Unfollow Post · Share
Auntie Sue, Rozna Md Jan and 2 others like this.

Sabda S Sujaidi:  samolah den...tpi bulan ni, den bagi kek bangla mesin rumput tu...den sapu2 jo...
Wednesday at 6:20pm · Like · 2

Ahmad Fadzil Yassin:  hehehe, gimana kesihatan harap ok...
Wednesday at 7:04pm · Like · 1


Ghumah koluargo Salleh Simon, boboghapo bulan sobolom dighobohkan untok moleba an jalan ketapi.

Salleh Simon:  Ado bolo ayam tak?Kalau ado molehlah dan ajak kito makan
Wednesday at 9:42pm via mobile · Like

Ahmad Fadzil Yassin:  Tak ado doh Salleh. Tak roti ese molo ayam ni doh, yang ese tahu boli, somolih dan makan. Ese pun tongah mikir-mikir bilo nak ajak u dan kawan-kawan ko ghumah makan-makan. Soalnya ese ini tingga boduo jo, dahlah gitu dah tuo-tuo pulak. Tompi kok nak datang air sojok adolah nak momuehan tokak yang koghing.
Yesterday at 12:06am · Like

Rozna Md Jan:  Itu dah bagus tuh..pagi2 eksosais peh tu baco buku...relek2...
Yesterday at 9:38am via mobile · Like

Ahmad Fadzil Yassin:  Mokasih Datin, inilah cagho ehyang masih ado, bilo dah sonjo-sonjo bogini. Tak balik kampong ko, tengok-tengok ghumah. Awal bulan lalu ese kek kampong lalu yo kek dopan ghumah u. Waktu itu dah sonjo, wsw ikut jalan sokolah ulugadong, masuk Mompaya, lalu kek sokolah tanjung belok ke kiri lalu dopan ghumah u, ghumah dak Feisol dan teruih ikut jalan dalam kolapa sawit sampai ko gumah abah ese, yang kaghang ini yang tuan punyo ghumah akak sopupu ese, arwah Kak Jarah. Dan langsung pulang ko ghumah ese ikut ghumah Long Nyonya yang guhumah eh dah dibuek kek Tedatar, sobolah ghumah atuk Nabjeah. Soghonok gak. Poi gak kek ghumah Salleh Somin yang dah tak ado laie tu. Salam.
Yesterday at 9:55am · Like


Puncak Gunung Datuk (Ghombau) dilihat dari Jalan ketapi. ( foto close-up).

Rozna Md Jan:  Balik yo sosokali. Wah roun kg eh. Tulah arituh jumpo Zainal Monye dio kato dak adik wan nyonya dah dudok kek situ. Lamo dah x jumpo dio.
Yesterday at 10:07am via mobile · Like

Ahmad Fadzil Yassin:  Zainal Monye masih kek Soghomban kan. Abang eh Dak SIlan Monye yang ponah kahwin dongan anak Tok Langso tu kan. Kobar eh dio ado kek KL Sentral, kojo kek situ. Dak Silan itu kawan samo sokolah kek TBS dulu. Donga gak dio ponah jadi Kotua Kampong kek Tedatar dulu. Boto ko dak adik dok kek situ, donga eh abang eh dak Kamil yang solalu balik duduok kek ghumah itu. Omak ese ado cakap yang Dak Kamil ini datang ko ghumah ese, nanyakan ese kek omak ese. Dan mintak nomobor telefon. Pornah gak poi ghumah dak kamil ini kek Shah Alam, dokek dongan Masjid Negeri itu. Kato eh dio kojo dongan dak Fesol kek stesen minyak kek Subang Jaya...
Yesterday at 10:22am · Like


Puncak Gunung Datuk dilihat dai Kg. Mungkal. Close-up oleh Dak Abei.

Rozna Md Jan:  Dak Silan x kona. Zainal masih dok somban.
Xtaulah boto ko tak dak adik dok situ tapi camtulah Zainal cakap
Yesterday at 10:34am via mobile · Like

Ahmad Fadzil Yassin:  yolah agak eh dan ini mungkin coghito yang baghu ese donga. Yolah ghumah itu pon tiap kali ese lalu sonyap jo. Kadang-kadang bilo duk kek kampong boghapo haghi ese pusing-pusing koliling kampong pagi-pagi ikut jalan gating, poi lopaghi dan masuk kawasan PLKN tu lalu ko tompek ladang getah keluarga, dan tengok pokok tampang yang dah tinggi molangit. Itulah kojo ese dan kadang-kadang jalan atas rel ketapi arah ko Kendong dan belok sol=mula ikut ighway baru Kg. Porah ko Ulu Gadong dan singgah minum teh kek kodai sopupu ese Dak Iyam sambil makan kuig godobung. hehehe.
Yesterday at 10:45am · Like


Kelihatan dalam gambar Datin Roznah Md. Jani diapit Ann Sara (kiri) dan Hawa (isteri ZA) di REUNI  TBSST rumah Salleh Simon, Kemensah Heights, 28 Nov 2012 lqlu. 

Rozna Md Jan:  Patutlah Abei tau selok belok kg, ghajin bojalan ha tombush2 lagi. Sobot godobung..ingat godobung midin kodai tanjung kek sokolah tu dulu. Bosa ponumbok bukan main sodap ghaso eh...
Yesterday at 11:05am via mobile · Like

Ahmad Fadzil Yassin:  Kahkahkak, itulah dio Datin, Solain kedai dah Iyam kek Ulu Gadong itu ese ponah poi jalan kaki ikut rel kotapi itu ke kodai Midin hanyo nak boli godobung. Omak ese sughuh boli. Tapi bilo abah ese mintak saya bantu dio nurih gotah kek Gating atau ladang Ulu Gadong, kito minum teh dulu dongan huih godobung yang baru masak kek kodai Cik Nayang kek Todatar tu. Memanglal sodap. Sobolah potang pula sobolum ke sokolah uhama Logadong singgah dulu kek kodai Cik Nayan tunggu godobung masak sobolah potang. Masih ese ingat abang dak Adik, Dak Kamil dan Dak Abei (adik dak Kamil) dongan pakaian kain gulong kek pinggang dan baju komeja makan kek pangkin kodai itu. Lopeh itu jalan kaki ikut sawah monuju boghang, ikut surau batu teruih ko sokolah ugama. Abah ese salah sorang ustaz kek sokolah dah nunggu kek tangga sokolah. Yang lain termasuk ustaz Mat Serol dari Legong dan Ahmad Munir.
Yesterday at 11:21am · Like


Jalan dari ghumah Salleh Simon dari hilir ke sughau Todatar ko hulu, melalui ghumah Dak Abok.

Rozna Md Jan:  Ha kodai Cik Nayan tu pun sodap godobung eh. Poie umah uwan Kesah singgahlah situ lepak2 kojap.
Yesterday at 11:31am via mobile · Like

Ahmad Fadzil Yassin:  Ingin ghaso eh nak balik ko zaman tu. Banyak boto coghito manih maso itu. Maasih ese ingat lopeh balik sokolah kek TBS, tunggu dak Abok nak poi ko ghumah Kak Piah kek darek ghumah ese tu nak main gotah. Solalu eh dak Abok ini pandai main, dio yo banyak kali monang. Kadang-kadang kita main baling-baling kotak rokok tembak. Di dopan ghumah dak abok biaso eh kito main guli. Itu yang eseh heran macam mano tak ponah jumpo dongan datin ini. Ese ingat gak Uwan Kesah dan Uwan Jumah yang ghumah kek sobolah hilir ghumah Uwan Kesah dan di sobolah hilir ghumah uwan Jumah itu ghumah omak ese. Ghmah Uwan Jumah dah ghoboh, yang tinggal ghumah omak ese jo di situ.
Yesterday at 11:45am · Like

Rozna Md Jan:  Memang bes zaman kocik2. Kteh pun main kotak, main gasing, guli....yg paling bes main kotentenglah he he. Maso main2 kek umah abang Bok mano nak jumpo. Kito org kek dalam umah. Sosokali ado yo donga 'udak2' main kek bawah tu...mungkin u all tak he he
23 hours ago via mobile · Like

Salleh Simon:  Sungguh sodap ghodubung maidin dulu. Xtaulah sapo buat.Adakah maidin atau midu yng kepalo lonjong tu.X dapek lai dah ghodubung sosodap tu karang.Habih sobuah malaysia dah poi x jumpa ghodubung macam tu. Tu bolum cerita kueh pa kocok kota lagitu.Memang dak silan yang kawin anak tok langso tu ponah jadi tok ketua kampong.Last sayo jumpo dia maso nikah anak sharin abas kek club golf klcgc.Maso tu jumpa salleh mahmood,faridon dll. Sayo xada kodorat nak balek kampong lai doh.Ghumah dah diambek e kek kotapi.Tapi kalau ada jemputan kenduri kahwin mau jugak jonggok kampongtu.Tunggulah.
20 hours ago via mobile · Like


Kengkawan sekampong yang bokojo di Kilang Benang Tampoi, JB tahun 1960-an. Dari kiri  Razak Yahaya (Dak Odak Uwan Tewa), kengkawan ini (tak ingat namo), Ahmd Fadzil Yassin (Dak Abei), Dak Kamal Suleiman (sekaghang monotap di Brunei), Salleh Jamal dan Hassan Basri Tera (Dak Tupi). Somuo kengkawan monotap di Jb kecuali Salleh (balik kampong dan Dak Abei monotap di Sg. Buloh. Foto tahun 1966 (?).

Ahmad Fadzil Yassin:  RMJ, yo koh ado dalam ghumah Dak Abok maso kito oghang main guli atau kundang kundi di laman ghumah tu. Napo tak turun nengok kan bes, boleh yo nyakat budak-budak pompuan. Ado adik-adik Dak Abok macam Dak Ajib dan Dak Amah. Adik ese Dak Saba ghaso eh tak ado, sobab dio jaghang kolua ghumah, banyak kojo dio kono buek oleh omak ese. Tahulah omak ese mulut macam mughai maso tu. Kalau Dak Salleh Somin, memang ese kosihan sobab tak leh balik kampong laie, ghumah eh dah losap dimakan jalan ketapi. Masih ese ingat topi ghumah eh kek sobolah ilir tua ado pigi tompek mandi. Ponah yo eae mandi kek situ bilo pigi Uwan Lamah dan pigi Uwan Adan ado oghang masuh. Kadang-kadang ese poi mandi sampai pigi todatar, dopan ghumah abah ese, dokek sughau Todata. Hanyo pigi sughau batu ese tak ponah poi, tompi ese solalu poi ko ghumah Dak Atip Umbo di bolakang sughau tu. Solalu eh main dongan dak Atif, kadang-kadang manjek pokok ghambutan, makan buah ateh pokok. Soghonok coghito kocik-kocik dulu kan, ghaso-ghaso nak poi maso itu balik, tapi dah tak mungkin doh...
2 minutes ago · Like

Rozna Md Jan Sobab tulah kito xnak tughun bawah nnt kono sakat he he...duduk main simbang dgn kakmok dan dak amah lagi bes.
Mano nak samo zaman kito kocik ngan skaghang. Budak2 skaghang leko adapkan computer, ipad, laptop dan sobagai. .. X ghoti deh main konda kondi tu doh.
Ai SS pun ghoma godobung midin/midu...pak kocok, pau kodai kek koto tu memang bes. Xdo dapek lagi kueh bes2 camtu lagi doh kan.
Musim air koghing kteh solalu yo mandi kek pigi surau todata tu. Boghonti boghi makan ikan kaloi kek kolam tu. Hai memang beslah zaman kito kocik2. Mano bulih poi zaman tu lagi Abei oi..
20 minutes ago via mobile • Like


Ghumah keluargo Dak Abei dilihat dari ghumah Dak Abok

Ahmad Fadzil Yassin Bilo RMJ sobot ikan kaloi kek kolam, toingat lak ese kono caghi daun koladi dongan Dak Odak (Razak Uwan Tewa) kek tongair daghi ulu sampai ko hilir. Bawak koladi masukkan dalam kolam. Lopeh itu asyik tengok ikan kaloi kobeh daun itu satu, satu. Banyak ikan dan bosa-bosa. Abah ese yang cari anak eh, sodangkan apak abah ese, Dang Sena yang ese panggil Udang itu asyik dongan nyangko gumput sughau todatar. Itulah kojo eh haghi-haghi sampaikan tak ado ghumpot souleh pon yang tingga. Udang ese tingga dan tidor kek pondok topi kolam tu. Kadang-akdang ese maleh balik ke ghumah ese di Gadong, sobolah ghumah Dak Abok itu, ese tido dongan Udang ese, duo oghang kek pondok tu. Oleh sobab pakai solua pendek jo, malam-malam mongekot kosojokan. Sampai pagi. Pagi-pagi abanh datang kojotkan dan tolong dio nurih gotak kek kobon Gating. Basoh muko jo lopeh itu minum teh dan makan kuih godobung Kedai Cik Nayan. Dokek Momporah pon ado kuih pakkocok, maso sokolah Momporah, kalau tak bawa boka dari ghumah boli pak kocok. Kadang-kadang dapat minom free air koko yang sokolah bokaan. Taim rehat jo makan nasi boka dan duduk molesa di bawah sokolah.
a few seconds ago • Like

11 comments:

  1. La merato boto kueh godobung tu yo. Famus beboto lak kan. Gak eh nijam ado lai tak yan menjua eh kan! Kok ado maun yo nak ngirim eh mintak tolong boli an, mesti sodap habis raso eh tu kan. Kek air Mawang kito pangge kuh bom. Dio di buek Dari topong campo pisang kapeh. Osah pulak sodap eh. Se buah 5 sen yo gogo eh. Makan eh mo air kupi itam. Tak Teh do.

    ReplyDelete
  2. Kalau poi kek Sokolah Asrama Hj Mohd Yatim di Ulu Gadong ado kodai Mariam yang masih jua kueh godobung ni. Ghogo 20 sen sobiji, ghaso eh lah. Tompi taklah sosodap godobung Midin tu doh. Hanyo kodai Midin kek Tanjong tu dah tak ado laie. Di kodai lain itu gak tompi dah jadi kueh kodok yang campur pisang kapeh tu. Dio oghang jual tigo soinggit. Kadang-kadang bilo ese balik kampong ese singgah gak kek kodai tu langsung minum teh dongan kuih godobung eh. Tak singgap ghaso eh tak sodap pulak sobab Mariyam itu sopupu ese.

    ReplyDelete
  3. Mohamad Ibrahim: AFY.Kou ponah koh nengok pasu kueh godobung midin tu.Pasu tu x ponah bebasoh supayo ibu godobung jgn laghi.Eden maso bolum sekolah mengaji Quran dgn long latim ghumah blakang kodai midin.1 godobung 5sen makan colek dgn air teh 15sen.Eden selalu jual kayu api kek midin dio boghi 30sen.Kueh pak kocok den boli kodai ayang koto 7sen satu utk jual d kodai ayah den di kg mungkal.Makan 1 konyang.Kodai midin dah sejarah.
    2 hours ago via mobile · Like

    Ahmad Fadzil Yassin: MI ese boli kuih godobung jo tak ponh pulak tengok pasu eh doh. Mungkin dio sughuk kek bolakang kodai tak , yang ese tengok biloh dio masak godobung dalam koli ese tengok, bilo nunggu godobung tu toapong, tando eh dah masak. Biaso eh bilo dah boli ese ...See More
    58 minutes ago · Like

    Mohammad Ibrahim: kek gadong halt tu den ponah jual potai n joghing.1 ikek 10papan 10 sen jo bili dah potang jam 5/6 jua mughah 2 ikek 15sen kalau ada baki 3ikek 20sen beso eh abih.Maso tu den umo 9thn.
    6 minutes ago via mobile · Like

    Ahmadfadzil Yassin: Aposal kito tak ponah jumpo maso itu. Tompi yolah umo 9 tahun, ese baghu darjah tigo sokolah Molayu Kota kek Momporah tu. Abih sokolah langsung mandi sungai momporah. Kul tigo baghu balik ghumah sobab nak poi sokolah ugama kek Logadong.
    a few seconds ago · Like

    ReplyDelete
  4. Ahmad Fadzil Yassin: Bilo RMJ sobot ikan kaloi kek kolam, toingat lak ese kono caghi daun koladi dongan Dak Odak (Razak Uwan Tewa) kek tongair daghi ulu sampai ko hilir. Bawak koladi masukkan dalam kolam. Lopeh itu asyik tengok ikan kaloi kobeh daun itu satu, satu. Banyak ikan dan bosa-bosa. Abah ese yang cari anak eh, sodangkan apak abah ese, Dang Sena yang ese panggil Udang itu asyik dongan nyangko gumput sughau todatar. Itulah kojo eh haghi-haghi sampaikan tak ado ghumpot souleh pon yang tingga. Udang ese tingga dan tidor kek pondok topi kolam tu. Kadang-akdang ese maleh balik ke ghumah ese di Gadong, sobolah ghumah Dak Abok itu, ese tido dongan Udang ese, duo oghang kek pondok tu. Oleh sobab pakai solua pendek jo, malam-malam mongekot kosojokan. Sampai pagi. Pagi-pagi abanh datang kojotkan dan tolong dio nurih gotak kek kobon Gating. Basoh muko jo lopeh itu minum teh dan makan kuih godobung Kedai Cik Nayan. Dokek Momporah pon ado kuih pakkocok, maso sokolah Momporah, kalau tak bawa boka dari ghumah boli pak kocok. Kadang-kadang dapat minom free air koko yang sokolah bokaan. Taim rehat jo makan nasi boka dan duduk molesa di bawah sokolah.
    8 hours ago · Like

    ReplyDelete
  5. Mohammad Ibrahim kito ado jumpo ghumah makcik ana den F1 nak pinjam buku sek kou ado ghumah makcik ana topi U sr sikit jd xdo bebughak doh. Zaman dah 50 thn.Tompek kou mandi kami beso mandi dgn kawan2 sedarjah boleng jo('56) bolum merdeka
    2 hours ago via mobile · Like

    Ahmad Fadzil Yassin Ow yo ko. makcik ana mano ni, kak rohana ko, anak Uwan Adan tu. Iyo ko ese mando boleng, kalau tahun 56 ese dah SMC 2, mano boleh boleng laie, tompi kalau kek dalam pigi memang boleng pon, terutama pigi yang dalam mio tu. Kalau makcik ana itu kak rohana, dio sokarang kek Dubai, ikut suami yang namo eh Mahadir, mat saleh masuk Islam. Adik eh namo Masitah kan?
    8 minutes ago · Like

    ReplyDelete
  6. Mohammad Ibrahim makcik rohana yg suami 1 cino m/d n dio nikah oghang usa .Wan adan tu omak eh bapa dio md yatim adik uwan den.Memang maso tiap2 hujong tahun poi ghu mah makcik ana pinjam buku text teruma math.Dio baik .
    19 minutes ago via mobile · Like

    Ahmad Fadzil Yassin Botolah tu. Hai dokek toboto MI dongan ese, tak sangko bogini jadi eh. Omak ese maso kocik-kocik Uwan Adan yang bolo sobab adik Uwan Adan, iaitu omak pado omak ese, moningga dunia. Tak lamo Uwan Adan bolo sobab lopeh itu nenek ese, Noresah bolo omak ese, iaitu cuculah pado Noresah. Noresah ini ado tigo adik beradik, dua laie namo eh Siput (adik) dan Usof yang komudian kawin oghang Tedata dongan Uwan Kesah. Kato omak ese, salah soghang anak Uwan Kesah ini namo eh Md. Jan. Salam soghang anak Md. Jan itu Roznah Md. Jan.

    ReplyDelete
  7. Mohammad Ibrahim: Tu lah kito ni bilo dah kojo jaghang bejumpo sbb masing 2 kojo berjauhan.Eden masok polis n betugas d Perak dr '69-91 n blk kg setahun sekali n kalou gayo poso atau aji den sombahyang mosjid gadong atau mompayo imam hj dol atau us sharif eden lopeh sombahyang sompek jum po imam n toghuh poi ghumah bapak d Repah Tampin sobab dio dah coghai omak maso den umor 11 thn. Dio bapak kono jumpo lah n sobab tu x jumpo sodagho magho lain.Den tukar ko PJ thn 91-93 duduk S.Alam(ghumah yg kou dtg maso kenduri tahlil d mosjid ubudiah tu).Thn 93-95 tukar Miri Sarawak n habih pind ah klga melainkan anak no 1 +2 , soghang d UKM + no 2 d asrama Kuantan.Eden kursus dongan askar 1thn(Dip in Strategic Study) n lopeh tu kojo Bkt Aman 3thn n akhir Polis KL 99-2004(1/12/04 cuti 105 aghi). Maso KL selalu blk kg topi kito x jumpo sobab masi ng2 ado urusan.Bilo kito ado alumni baghu lah nak bokonalan. Mujorlah kalou x mati x kona.Ado anak den no 2 semaso UM kawan dongan
    43 minutes ago via mobile · Like

    Mohammad Ibrahim Anak eden ompek2 pompuan. Yg no 2 belajar UM + kawan baik dgn soghang pelajar pompuan n bilo tengok gambar eh tu anak cucu kak faridah(sepupu mazlan said) + mazlan said tu sepupu eden sobab bapak dio tu adik begadik bapak den.Anak eden jd makcik topi dio kato jgn panggil makcik malu. Itulah panjang coghito eh
    34 minutes ago via mobile · Like

    ReplyDelete
  8. Ahmad Fadzil Yassin: Memang handa dan banyak pengalaman u MI. Oghang polis lak tu, macam Zahriman, CLA dan yang lain-lain kengkawan dalam Alumni TBSST. Botolah ese toghutang budi dongan ALUMNI TBSST dan arwah MZMY yang botungkuih lumut mompokasa an grup kito ini. Tabik soporing ese kek arwah tu dan jugak Zaheiman. Ese ni bukan apo doh, sobab bilo abih jo School Certificate dongan gred 3 ese pon poi ko JB koghan dapek kojo kek sinun di kilang bonang (TCM) tu. Di situlah baghu ese soda yang apo yang ese capai dalam polajaran itu memang tak bulih bawak ko mano doh. Jadi lopeh abih edah enjoh boghapo tahun ese masuk sokolah malam dokek English College tu bolaja HSC, tak dapek full setifiket, dapek statement jo. Dongan tu ese tingga an TCM mintak masuk ITM. Itulah ese jumpo Salleh Somen. Dio senio kek ITM Jalan Othman. Ghupo-ghupo baru ese dapek tahu yang Zahriman pon ado kek situ. Akhir eh bilo kojo ke Dewan Baso, ese untong sikit bilo Bos (Datuk M. Noor Azam) nasihatkan ese bolaja laie. Dio hubungi kawan baik eh kek Jakarta Dr. Juwono Sudarsono yang waktu kojo jadi ponsyarah kek UI, tolong anak buah eh ni, iaitu ese. Pak Sudarsonolah yang nasihatkan Noor Azam hantar ese ke universiti di Bandung sobab kek Bandung itu universiti eh ado Fakulti Komunikasi, sodangkan ese bogolumang dongan kojo-kojo majalah Dewan Masyarakat. Sudah eh ese pon kono hanta ko Bandung dan bolaja laie solama ompek tahun. Itu yang ese dapek Doktorandus tu. Adolah gola sikit kek pangka namo, taklah boleng sangat. Itulah coghito ese pulak. Memang dulu kek TBS, ese ini ompong macam kato AAB lah. Tompi AAB dapek gred 1. Ese jo yang dapek Gred 3. Nasib baik tak sononggeng. Kenkawan satu kolah sampai Form 5 tomasuklah Masitah, adik Rohana. Sokagahang Masitah tingga kek Bandar Baru Bangi. Dio pencen dah dulu oghang bosa gak kek Komontorian Kobajikan Am sampai jadi Pengarah Ponyolidikan dn ofis eh kek Jalan Raja Laut sobolah Holiday Inn City Centre tu. Suami eh Dr. Ismal Hamzah, oghang Serkam, Molaka.

    ReplyDelete
  9. Zahriman Alias: Kueh godobung ni tak ado dalam kamus orang penajih lah....kueh apo tu.....kueh bom yang dibuek dari pisang dongan topung ko. Dan ngapo pulak kueh godobung cicah ngan air teh....kan dio dah manih....
    about an hour ago · Like

    Mohammad Ibrahim: mr presiden kueh godobung memang produk gadong kodai midin skrg dah xdo.Dio kou tengok macam tolo gajah hitam topi dlm eh puteh n tak manih n kalu cicah dgn teh tarik amat kou.
    18 minutes ago via mobile · Like

    Ahmad Fadzil Yassin: Kalau ZA dah ghaso sokali, misti nak laie. Ese gerenti, sobab ghaso eh macam apam ori yang tak pakai gulo. warna hitam di luar putih di dalam . Istilah ini oghang Gadong yo yang ado, tompek lain memang tak ado doh...Kalau ZA balik kampong Penajih singgahlah kek Sekolah Ugama Hj. Mohd Yatin Ulu Gadong ado kodai bolakang sekolah tepi jalan Gadong-Bongek, biaso eh pagi-pagi ado jual godobung ini. Bosar dan warna samo dongan godobung Midin atau Cik Nayan. Hanyo sodap eh kughang sikit, yang Midin tu lagi ngetop.
    10 minutes ago · Like

    ReplyDelete
  10. Zahrimman Alias nampak kono belaja buek kueh godobung ni.....kok iyo sodap, apo ko salah eh dipromosikan pulak di Klumpo ko , Kolo Selangor ko.......

    ReplyDelete
  11. Mohammad Ibrahim: Budak2 kaghang ni man makan donut +pizza+keremel.Kakak den kek kg d gunong rembau ado buek kueh godobung vesi baru +kou dtg 16/2/13 kg Batang Nya mor,Gadong,Rembau N.S.Isteri kou blh belajar +promosi d k.s'gor.Den jomput sumo alumni tbsst k rumah kakak d kg Batang Nyamor Gadong Rembau jam 12-5 16/2/13 tahlil kesyukuran +ulang tahun 40thn perkawinan
    46 minutes ago via mobile · Like

    ReplyDelete