Friday 14 December 2012

OMPONG, KAKI BANGKU, POMBONGOK & SEMBANG DUO ANAK JOHOL



Ghazali Yasin
November 28, 2012
 With Abu Aman Bachik.
Like ·  · Unfollow Post · Share
Mohamad Ayob Hasim and Azali Abdol like this.

Md Arif Ab Samad:  Cikgu Abu Aman ni rupenye kenal/msih ingt akan rwah abang saya Hamdan Abd Samad. Sya hnye mmpu mndoakan kesahtraan d atas dia dn juga rwah abang saya, amin....
November 29 at 12:05am · Like
Zahriman Alias Hensem gi cikgu sei nie....
November 29 at 4:42am · Like

Ghazali Yasin:  Yo abang kito ni memang hensem dan pandai pulak tu - maso sokolah dulu. Diolah anak Johol yang potamo dapek Gred 1 (dulu ada dua - 1 overseas dan 1 sijil lagi FMC). Kalau poi rumah abang kito ni dulu dio tak ado kojo lain - baco buku yo. Dio ni tak tau compogho, lastik bughong doh!
Wednesday at 3:42am · Like


Abu Aman Bachik di pintu masuk rumah Salleh Simon di Kemensah Heights, 28 Nov. 2012 untuk Reuni Grup TBSST.

Zahriman Alias:  dah kalau tak ghoti compogho, lastik burong tu, kito kek kampong panggei an ompong yo.......@ Abu Aman Bachik.....sori cikgu, tosalah panggil, ado ko SC dipanggei ompong.....hehehe
Wednesday at 8:52am · Edited · Like

Abu Aman Bachik:  Pombongak beboto dah Zali ni. Ado koh ese dikobaannyo tak tau compogho dan lastik burong. Buek sangka tokotek pun se tahu
Thursday at 7:59pm · Like · 1

Zahriman Alias:  Konon eh dio nak jek cikgu tu.....dikobanyolah cikgu ni kuek maco buku yo......apo dah salah koba, bunyi macam cikgu ni budak ompong yo pulak.....hahaha.....
Thursday at 8:37pm · Like

Abu Aman Bachik: Adolah ese di koba an nyo kik maco buku. Ese maco buku 10 tahun tak sebuah. Kok se rajin maco buku maghin mang se kelulusan phd. Tak do jadi Cikgu cabuk do. Zali zali, nak Jekyll buek apo ngabihan bogheh yo.
Thursday at 8:45pm · Like

Abu Aman Bachik:  Mang ompong pun Iman.
Thursday at 8:46pm · Like · 1


Presiden Grup Alumni TBSST, Zahriman Alias (kanan) dan Salleh Simon di  Reuni  di rumah Salleh Simon di Kemensah Heights 28 Nov 2012. 

Zahriman Alias:  sei pulak kaki bangku....nyak dari sekolah dulu tak ghoti main bola.....nengok bola pun tak suko.....ampailah nijam.
Thursday at 8:57pm · Like

Ghazali Yasin: Lazimnyo tin ponoh macam Bang Abu ni tak ngaku dio handa doh! Ese taulah maso kocik2 dulu ese moncokah kek mawang tu yo - asyik main dam, compongo kek joram, lastik burung dgn kawan2. Ese tak ponah jumpo Bang Abu kek sungai, kek pdg main bola pon tak ado. Kalau poi ghumah Bang Abu sambil monyarap pun bulih maco buku. Kok tak cayo tanyo akak se. Tontang tak sampai peringkat Ph.D tu bukan sobab tak pandai tapi tumpuan kek keluarga yg menghalangnya. Ghamai kawan yang bangang dari den pun ada PhD (dio handa dlm bidang dio yo - kaji biji tembikai hebat!, yg lain mungkin lobih bangang dari kito!)
Thursday at 9:08pm · Like · 1

Ahmadfadzil Yassin:  Sobot tontang coghito bangang dan kaki bangku ini toingat ese maso kek SMC1 kek sokolah TBS dulu (waktu itu namo eh sokolah Govt. Primary School). Ese kono main bola, buek potama kali lak tu. Ese konon eh jaga bek, tompi solama sotongah jam main, ese koliling padang ngoja bola, mano nak jago kawasan bek, tongah, sampai bolaghi hujong ko hujong gol. Lopeh sotongah jam jadi hongeh, tokoneneng ponek kadang-kaadang sampai tosadai topi lain padang. Abih jo main masuk polawanan koduo namo ese tak dimasukkan laie dalam tim. Apo komen guru ese lopeh itu. Ghajin amek-amek kete. Boleh rehatlah sampai bilo-bilo. Sampai nijam ese dah rehat dan pencen main bola. Itu tahun 1955 laie...Joran ese tengok bola ini. Memang jaghang amek-amek. Baik ese maco buku atau surat khabar lamo.
23 hours ago · Like

Ghazali Yasin:  Salam Bang AFY! Lazim eh, dari pemerhatian ese sejak dari sokolah dulu org yg 'desk legs' (takut ese nak sobut dlm BM!) ni adaolah org yg ulek buku, yang coghodik bonar2. Bilo dio sepak bola tu dobush yo! Lopeh main kaki eh bongkak2. Agak eh abang2, kawan2 dan adik2 yang outstanding in life tu biaso eh jonih nilah deh. Jarang bona Prof, Dr. Drs atau lain-lain title ni yang hebat dlm sukan - mungkin sorang duo macam Prof. Khoo Kay Kim dan Dr. Jegathesan. Nampak eh AFY ni samo yo deh macam species ni!
22 hours ago · Like · 1

Abu Aman Bachik:  Sudah lah kau Li, usah nak bodeklah. Ese mang kan pandai pun. Cumo acah acah yo.
Sent from my iPad
14 hours ago · Like

Abu Aman Bachik:  Yo koh tu Iman. Tak tau den tu doh. Oh tulah sobab eh Jadi speter pun speter 13 Mei yo. Ingat den Iman Mestilah hebat bersukan eh mako layak jadi speter.
Sent from my iPad
14 hours ago · Like

Abu Aman Bachik:  Man ompong pun. Acah yo lobeh.
Sent from my iPad
14 hours ago · Like

Ghazali Yasin:  Bang Abu dan Bang AFY, maso sokolah dulu kita junior suko perhati 'dahan' yg ateh (senior). Kito suko ambik tau tentang diri tokoh2 pelajar seperti Sch Cap, Vice Sch Cap dan prefect kito serta rakan2 yg outstanding dlm bidang akademik. Kito pun bangga mendekati jaguh2 sukan sekolah. Pendek kato pelajar2 dlm 2 kategori ini ibarat ikan2 dlm aquarium - ramai peminat yg sentiaso memerhati!. Jadi ese potahankan apo yg ese cakap – katolah sikit - 'mokasih Li!'.
10 hours ago · Like · 1

Ahmadfadzil Yassin:  GY, sobona eh ese ini duo-duo tak pandai pon. main bola macam padang tu ese yang punyo soghang, tak ikut aturan lalu di'pncenkan" lopeh sokali main maso kek SMC 2 tahun 1956. Walaupun Sc Vice-Captain pada tahun 1962 tompi sukan2 lain langsung tak ponugheh. Masih ese ingat waktu Sports Day tahun 1962, ese Captain Sulaiman House. Biaso eh captain dapek hadiah tompi ese uceh tak ado satu pon hadiah yang ese toghimo, Jadi kojo ese bawak kawad bondero jolah. Dalam akademik pon ese hampir lonco, nasib baik dapek Gred 3. Itu sobab eh ese kojo kek Kilang Bonang kek Tampoi JB, lopeh abih School Certificate tahun 1962. Jadi tak ado pandai eh ese doh, maco pulak maleh nabona. Tak sangko pulak ado junior macam GY ini mandang ateh bona kek ese dan AAB. Memanglah kito ada donga ado yang suko kek kito boduo, baik lolaki mahupun pompuan. Tompi tak tahu sapo. Itulah bilo GY sobot yang junior mandang ko senior itu bosa pulak ghaso hati ese. Sobona eh kito ini ompong jo. Tak tahulah AAB. Bak kato oghang sokagahang ogah jo yang lobih.
8 hours ago · Like


Reuni di rumah Salleh Simon 28 Nov 2012

Ghazali Yasin:  Ese terpaksa response kepada AFY sebab ese tidak mahu dia merasa dirinya terlalu rendah diri. Sepatutnya kedudukan AFY perlu diletakkan di persada yg tinggi, bersama dengan beberapa tokoh bekas pelajar TBS lain yg nama mereka begitu terkenal di peringkat nasional. Sebagai pemimpin pelajar (Vice School Captain 1962) kedudukan AFY ibarat sebatang pohon yg tinggi, boleh dilihat dari mana2 posisi, sudah semestinya menjadi tumpuan ramai, terutama dari kalangan pelajar Melayu kontemporari ketika itu. Begitu juga AAB. Bagi ese, AAB dan AFY, 2 tokoh cemerlang produk dari TBS dalam era 60an. Walaupun sudah meninggalkan alma-mater begitu lama namun nama abang berdua ini cukup mudah diingati oleh bekas pelajar seangkatan (termasuk 4,5 tahun yg lebih junior). AAB, anak Melayu pertama dari Johol memperolehi Gred I dan satu-satunya anak Johol yg pernah dilantik sebagai School Captain (lepas itu tidak ada). AAB, anak Johol pertama dipilih mengikuti latihan perguruan di sebuah kolej elit di Brinsford Lodge, England. Selepas itu AAB menjadi guru, berjaya menghasilkan ramai murid cemerlang. Bukan AAB tidak mampu meneruskan pengajian ke peringkat yg lebih tinggi (sehingga Ph.D) tetapi sebagaimana yang umum mengetahui bahawa AAB menghadapi pelbagai constraints dlm hidupnya. Manakala AFY pula, memang ramai yg tahu bahawa dia tenggelam selepas menamatkan Form V, tetapi mengejutkan ramai kawan dgn kemunculan beliau beberapa tahun selepas itu dengan nama yang lebih gagah sebagai penyumbang penulisan kesusasteraan bermutu, boleh kita letakkan sebaris dengan kelompok sasterawan terbilang tanahair. AFY juga begitu berjaya dalam kerjayanya di Penerbit Fajar Bakti. Saya mahu tegaskan secara jujurnya bahawa saya bukan mahu mengampu, tetapi respect sepatutnya diberikan kepada 2 tokoh pemimpin pelajar Melayu era 60an ini. Kita faham, AAB dan AFY rasa segan untuk mengakui kecemerlangan diri sendiri. Sesunggungnya mereka berdua adalah permata nilam TBS. Tahniah.
4 hours ago · Like · 1

Zahriman Alias:  GY ekau pun handa.....caro penulisan kau ni pun menunjukkan otak kau sangat bernas. Den pasti kalau kau coret konangan2 lamo kau maso sekolah dulu dan kau uboh kek column TBSST ni, kan sodap kito sumo maco. Den raso orang macam kau nilah yg kito tunggu2 selamo ni untuk menulis cerito2 lamo saperti yang diharap2kan oleh AFY......cubolah warigh.....bueklah.....dorehlah.....bilo kau dah mulokan satu2 kisah tu nanti mako ghamailah kawan lain yg akan tompang sekaki dan menyampok2.....inilah kemesraan yang kito cari2 dalam TBSST.
59 minutes ago · Like

47 comments:

  1. Zahriman Alias: Esei beraso sgt gembiro dan terujo bilo budak GY ni, at last bukak akaun fb dan join TBSST......sojak dio masuk ni TBSST dah mulo bersinar balik......kok tak tu makin ari makin malap yo. Syabasss Ghazali Yassin....keep up the good work. Jom kito ceriokan balik TBSST dan TAMPANG ni........
    about an hour ago · Like

    Nasa Abu Bakar: yg den faham GY ni maso sekolah dulu memang pelawak org nyo ... ramai yg suko kat dio sebab lawak nyo tu dan secara tak langsung ramai kawan2 nyo.... dan satu lae dio ado kakak yg cun Sharifah namo nya yg kahwin dgn Hamzah former head boy TBBS gitu cite nyo. Den pun dah tak pernah jumpo Sharifah ni .... dulu maso sekolah2 ado juga minat sikit2 kat dio tapi ketiko itu den hanya Prefect biaso ajo dah tentu Hamzah jadi pilihan dio sebab Headboy katokan.... hehehe. Itu cerito lamo den ... bukak sikit2 kisah lamo2 percintaan den. GY tahu cite den ni .... the last I met him was at USM Penang semasa graduation my Ericsson student kat sano. Den kono poi graduation tu mewakili Ericsson Malaysia. That was last I heard of him until few days ago he called me ..... seronok nya bercakap dgn dio.... Entah mano dio dpt no HP den....
    15 minutes ago · Like

    Nasa Abu Bakar: to GY : kau suruh kakak kau atau ajar dio buka akaun FB dpt kami semua cite2 kisah lamo2 sebagai mengenang cite2 TBBS ...
    12 minutes ago · Like

    ReplyDelete
  2. Ahmad Fadzil Yassin: Mokasih GY, puji sangat tu hinggo moleleh lak air mato ese tontang citer ese maso kek TBS dulu. Soghang duo itu adolah ese donga tompi tak adolah sohebat GY ini. Kadang-kadang tofikir pulak macam tak pocayo bona ghaso eh. Namun yolah mungkin GY, sobagai budak junior kek TBS ado mompunyai porasaan bogitu. Jadi ese ini amik benefit of a doubt jolah. Sobona eh bilo tahu result School Cetificate ese hampir sononggeng dan pulak dalam sukan ado yang perli ese sambil kato house captain apo ini, tak dapek trofi apo pun ese ghaso lomah tulang-tulang ese, mahu ghaso eh nak monangis waktu itu. Jobo eh bukanlah main2. GY tahu bilo ese mulo kojo kek kilang bonang tu air mato moleleh abih sobab kojo ese ngutip skru, paku dan nyapu lantai. Lamo ese kojo macam tu, ghupo-ghupo eh oghang Jepon ini macam tu kojo eh kek Jepon sanun. Kato dio kalau nak bojayo dalam kojaya kono bolaja dari bawah, misti tahu cagho nyapu sampah, tahu cagho mogang ponyapu, tahu cagho kutip paku dan kekru. Bilo masuk kojo pakaian ese boghosih, abih kojo pukul limo potang, baju ese koto bominyak kono minyak grease, rambut ese momutih, bukan koghano uban tompi dilipoti debu kapeh. Ado yang kato rambut ese ini putih hitam pada pagi dan putih pado potang. Kaghang ini bilo mikir tontang pongalaman ese tu sosokali air mato koluar gak. Mokasihlah pujian yang GY boghian itu.Tokodu, tosodu dan tohaghu.
    about a minute ago · Like

    ReplyDelete
  3. Abu Aman Bachik: Ese baru balik Dari cabuk tunggu gigi. Oh MAK ai sakit ngeh. Tapi bilo maco Zali muji kito melangit langit ni AFY nak yo nyawab eh. Dah lah puji orng melangit langit, lopeh mintak ucapan timo kasih lak ti. Beboto buek malu orang Mawang Joho yo kau lah Li. Dah puji dah lah. Nak minta timokaseh moh pulak. Nampak bebona tak ikhlas eh org ajoho ni. AFY Kato tak dapek aktip duo tiga hari ini. Ese tengok ado jo! Lon stat lai koh?

    Sent from my iPad
    18 minutes ago · Like

    Ahmadfadzil Yassin Lon mulo lailah AAB. ado jo hal eh. Dah mulo boboghapo haghi lalu nak nyiapkan tugas PAPTI, grup alumni bokeh polajar Malaysia di Indonesia itu. Dio oghang minta ese nulih limo bab. Riset dah ado nak nulih eh bukan kopaang maleh eh. Bilo nak mulo ado hal pulak. Kali ini dah duo kali poi sopita Solayang nengok sopupu isteri ese di wad. Sopupu isteri ese, Wahab ayah pado ponyanyi Waheeda sakit bongkak hati, dah sotongah hati eh tak leh pakai laie. Kata doktor ado kotumbuhan pulak tu. Ese tengok dio sodih boto. Hibo ese nengok eh.
    a few seconds ago · Like

    ReplyDelete
  4. Doa lah bebanyak. Dan zikirlah bebanyak. Itu yo lah sumbangan yang bolehkito kito bori AFY. ,mudah. Mudahan Allah ringankan penderitaannya. In Sya Allah.

    ReplyDelete
  5. Sopupu ese itu dinasihatkan buek kimograpi kek ghumah. Lopeh duo minggu doktor akan cek somulo dan tengoklah lak apo yang patut dibuek.Mudah-mudahan akan ado kosan eh. Insya-Allah!

    ReplyDelete
  6. Ghazali Yasin: Maaf, baru balik konduri. Konduri kek kg ni, pagi kono poi tlg siang daging, dijamu minam dgn kueh mueh tradisional, tomasuklah pulut samba tumih. Lopeh tu kito samo tolong masak. Yg tak pogang sonduk dan pongacau tu duduklah bobughak tak ikut agenda sehinggalah makan. Dah lopeh pengantin dtg tu barulah molek kito balik rumah. Kalau org yang pemikiran kreatif, tomasuklah yg sentiaso nak maco apo yg dapek yo kojo eh poi konduri di kg ni membosankan - tambah pulak cuti sekolah ni - tiap minggu ado yo yang konduri (kawin, aqiqah, masuk jawi, doa selamat dan arwah). Yang tak sodap eh tu, anak-anak sumo duduk jauh (sogomban, kolumpo dll) tapi nak buek konduri sumo balik kg! Omak ayah eh tak ado masaalah. Kadang2 anak monantu eh tak taulah deh nak nogo kito doh. Apo nak buek an - ini budayo budak mudo sokarang. Mano silap eh tu? Masa kito dulu yg mudo sapo yg tuo dari kito. Nijam kok kito tak nogo hai buek tak kona yo deh. Tapi ado yo yg macam kito dulu. Lopeh ni ese nak poi Tampin kek Giant pulak - banyak barang dapo yg tak ada. Insya'Allah, mlm ni ese cuba jawab ZA, AAB dan AFY - lopeh donga baco kitab kek surau. Wassalam!
    23 minutes ago · Like

    ReplyDelete
  7. Ghazali Yasin: ZA Man, kau jgn nak jobot2 an ese pulak. Tibo2 sogham sojok ghaso bodan. Ese tak ghoti nak tulih macam org sastera. Bahaso ese bahaso NGO – ringkas dan kogheh sikit. Nantilah bilo ado kolapangan ese cubo buek coghito lawak sikit.
    50 minutes ago · Like

    Ghazali Yasin AAB: Ese cumo mintak mokasih yo Bang Abu. Biaso eh kalau tulis biografi tokoh2 terkenal si penulis tu dibayar honorarium yg tinggi! Oh, AFY muncul lai koh? Dio bolon mulo buek kojo lai – enjin eh bolon paneh! Org yg dalam kumpulan creative writing ni biaso eh kalau nak tulih artikel atau buek kojo boghek2 dio kono poi ‘hybernate’ dulu. Macam boghuang, 4,5 bulan menghilang, tibo2 koluar dari dent bawak anak. Org sastera pun macam tu. Kalau nak ajak bolanjo minam teh tarik itulah maso yang sesuai – kok tak telefon pun tak boghangkek!
    48 minutes ago · Like

    Zahriman Alias Haaaa....camtu laaa....kito bukan nak bahaso sastera, kito nak bahaso orang pangka....
    47 minutes ago · Like

    ReplyDelete
  8. Abu Aman Bachik: Jobot apo pulak eh. Mang adek seh ni hebat oghang eh. Belajar eh poi merika. Kan dokek dokek. Nun sebaik dunio no tompek belajar eh. Poh ingat koman koman koh adek se ni. Dio mang banyak cito cito jenaka eh ni. So deh duduk Penang ghin cemacam pengalaman eh tu. nijam dio dah pencen ni nyak ilmu eh tu. cito rang rohingya yo bekopok kopok tu. ngan memain an adek se Ni Teh kau eh. Hebat orang eh tu.

    Sent from my iPad
    about an hour ago · Like

    Abu Aman Bachik: Yo, botolah tu Iman. Bahaso sastera bia an orang sastera lah kan. Kito bahaso orang panka Ni lai kick kan.

    Sent from my iPad
    about an hour ago · Like

    Abu Aman Bachik: Dio lon poi Ngoram lai doh Li. Nunggu masoeh yo tu.

    Sent from my iPad
    about an hour ago · Like

    Abu Aman Bachik: Yo lah bumin tak mintak pulak. Oghang nak ucap an timo kasih orang tau lah. Cam alley cat tu hah.......mosehhhhhhh teh.

    Sent from my iPad
    about an hour ago · Like

    Ghazali Yasin: AFY, Bagi pendapat ese duo pengalaman: 1) kisah AFY ponah tokoluchir, dan (2) pengalaman bokojo ikut budayo Jopon - sobona eh adalah satu rahmat Allah dan juga faktor ponyobab yang telah mengubah the journey of your life. Dari situ AFY telah bojaya menggerakan kekuatan dalaman dan bangun berjuang untuk mentransformasikan AFY menjadi A.F Yassin. Maso ese kojo dgn sebuah NGO dulu boss ese ponah menogor ese bilo ese bobal sobab sobuah institusi zakat tak bagi response positif tentang permohonan dana pendidikan utk masy pelarian Rohingya yg mana ese ditugaskan utk menyelaraskannya. Boss itu sobakan ese dan ambik buku catatan usrahnya dan bagitau “sebenarnya kita semua tidak tahu tentang perancangan Allah - dlm surah Al-Buqarah 216 Allah berfirman yang maksudnya”: "Boleh jadi kamu benci pada sesuatu padahal ia baik bagi kamu dan boleh jadi kamu suka pada sesuatu padahal ia buruk bagi kamu. Dan (ingatlah), Allah juga Yang Maha Mengetahui (semua itu), sedang kamu tidak mengetahuinya.” Tak lamo dari itu kito dapek borito baik dari sebuah badan amal. Bagi diri ese AFY, maso sokolah dulu pun punah. Lopeh Form V kojo di USM sebagai Jurutaip dan ponah diposondo oleh seorang steno semaso diintroduce kpd staff “Oh, male typist ah, I think u better wear a skirt to office tomorrow lah!” sambil kotawo. Maso tu bodonging tolingo. Apo bulih buek, nasib badan, toghimo yolah. Nak lawan kito baghu kojo dan tak boghapo yakin nak jawab dalam bahaso org putih kotiko itu. Nak coghito panjang bona, nanti kesah tokoluchir ni ese akan bisikan kek AFY bilo ada poluang jumpo nanti. Sungguhpun kojayaan ese biaso2 yo, ese bosyukor. Alhamdulillah, anak ado 4 (semuo girls). Cucu 7 (3L, 4P), bini dari dulu sampai nijam satu itulah. Amin.
    36 minutes ago · Like · 1

    ReplyDelete
  9. Ghazali Yasin: Kato2 pujian Bang Abu tu bolon cukup buekan ese melompek-lompek kogiangan doh! Kok nak dongar coghito Penang dtglah kg. Suruh Man bawak. Bawak orang sastera - A.F Yasin sokali
    28 minutes ago · Like

    Ahmadfadzil Yassin: GY, ZA dan AAB: Bahaso pngka apo ini, kalau maco dari mulo sampai abih komen GY ini bahaso yang digunoan mongalahkan bahaso oghang bahaso dan sastera. Memang ese kono tabik spring pado GY. Toingat ese komen yang dibuek oleh boghapo oghang komentar dalam posting AlumniTBSST yang dulu itu. Komen daripada Mikuman, Kich Noor, Sympathizer dan Faithfully Yours somuo eh superb bahasa eh, walaupun dalam bahasa Inggeris. Kaghang nampak eh kito dah ado GY yang lihai berbahaso. Sonang boto ese, maco eh pun soghonok. Dan boghisi. GY patut eh dah boleh mulo nulih pongalaman hidup eh dari TBS sampai ko la ini. Ini mungkin akan diikuti pulak oleh Hattar yang dah hampir sonyap kaghang, mungkin tongah hibernate kot. Dan bolon lupo AAB dongan sumbangan terbaghu eh. Takkan abih kek situ jo. Jugak Nasa Abu Bakar bilo laie nak buek citer baghu, pasal niago pun tak apo. Ese makin ghiang bilo maco posting. Tahan ese tingga an dulu assignment yang bolon mulo ini. Sobonar eh dah mulo tompi boghonti kojap bilo ada masalah domi masalah timbol. Tiigo masalah datang soghontak, adik ese yang moningga, biras ese yang kek wad dan mulo boghansor sihat dari barah usus dan prostate dan kaghang sopupu isteri ese masuk kolua sopital. Soghang sopita Soghomban (arwah adik saya), soghang sopita Serdang (biras ese) dan soghang laie sopita Solayang. Ado soghang laie anak buah isteri ese, masuk sopita Prince Court jugak keluar masuk. Inilah deh masalah yang sodang ese hadapi sokaghang. Lopeh satu, satu. Namun ese peganglah surah yang ditulis GY di ateh sobagai podoman. Somuo eh ada hikmah.
    a few seconds ago · Like

    ReplyDelete
  10. Zahriman Alias: Kau siap an rondang itek, nanti kito datang
    47 minutes ago · Like

    Ghazali Yasin: Bulih. Kok nak banyak den gulai tolo itek gaul pucuk ubi atau bolimbing buluh. Hai bosiut nanti. Tapi AFY tak jenis pomakan oghang eh. Dio bopantang bona!
    46 minutes ago · Like

    Zahriman Alias: Takdo deh bopantang bona doh....kok sekali2 takpo....buek ubek.
    44 minutes ago · Like

    Ghazali Yasin: donga choghito oghang ghumah eh kawal makanan dio. Tak apolah utk AFY ese buekkan gulai ikan haruan.
    42 minutes ago · Like


    Ghazali Yasin: TK AFY. Memang sodap bilo oghang Nogoghi dapek bobughak - cagho ciber pon sodap. Yg sobona eh, kek kg ni org kg lain pandai bobahaso, pandai mencolak dan buek lawak tak kogheng gusi. Ese ni mulo bolajar kek dio oghang. Bilo dapek associatekan diri dgn A.F Yasin, AAB dan ZA (kita harap ramai yg lain masuk lubok sokali) ese ingat bulih stimulate minda dan minat kito nak menulis. Insya'Allah akan saya ikhtiarkan utk tulis pengalaman indah semaso di TBS dulu. Nijam ese tobayang-bayang AFY suko jln dgn sapo, ABB ingin nak makan ikan tengalan, tompi guno pancing buluh yo. Si ZA pulak - dio ni budak lughus bondo - mano nak dapek. Ese ado you coghito tapi tak bulih bagitau - burung ditgn terbang melayang. Hah hai TBS. Aku masih ingat pada mu!
    7 minutes ago · Like

    Zahriman Alias dah mulo ....dah mulo....boleh bona lah tuuu.....
    4 minutes ago · Like

    ReplyDelete
  11. Ahmad Fadzil Yassin: Ese tak ado bopantang bona doh, bak kata ZA, sosokali ese sontal gak. Apo jo masuk macam ikan sobaguihdalam tongair. AAB dan ZA, amacam member kito ini dah stat pogang stereng. Darig gayo mukadimah GY ini kito konolah bosodio monoghimo apo sajo. Ese pulak makin toghujo bilo GY sobot "tobayang-bayang AFY suko jln dgn sapo. Makin saspen ese dibuek eh. Ghaso eh ese ini macam ZA gak waktu di TBS luruih bondo, kok ado bondo yang bengkok pon kek sipi-sipi jo. Tompi ok jugaklah, sobab ese tak ponah tau apo oghang kato maso sokolah dulu. Nak donga jugak apa yang junior perhatikan.
    3 hours ago · Like

    Ghazali Yasin: AFY - Anggaplah itu rahsia! Boleh dibuko toghombo maso dtg rumah ese nanti!Lazim eh bilo solalu jalan bodua tu kok tak kito yg togaso si dio pulak yang togotik! Nampak eh nijam yg dokek koka (kekal) sobalah AFY dah lain yo dah. Itu tak boghani cakap tu. Hah hai!
    2 hours ago · Like

    ReplyDelete
  12. AFY, ese lailah ompong. Ese double desk leg. Maso sekulah maghin satu Sukan pun tak main. Nasi baiklah belajar buleh tahan sikit. Tu pun kan pandai bebona pun. Sikit sikit aje. Tompi yang buek an seronok bebona tu dah tetuo ni baru tahu ado lak tino syok kek kito. Kok joman maghin kan bedongung! Hai nasib bodan!

    ReplyDelete
  13. Abu Aman Bachik: Li tulih lam komen Ni lai bes. Tak yah tunggu poi kg doh. Tak soba bona nak nonga eh. Holak kail buluh he patah koh, atau ikan tongalan eh tak nyontoh umpan eh. Padan muko eh kan. Anak orang kere nak membedek anak orang gomen. To kulat kulat cam cocak baham kapo.
    AFY, post an lah komen komen kek ateh tu. se ado cito baru lon sip lai. Sojak buah hati kito tarik diri kurang lah ummpph eh. In Sya Allah akan se sudah an yo tu. nantilah. Kini iPad ni tongah boghobot mo cucu. Cuti sekulah ni!
    2 hours ago · Like

    ReplyDelete
  14. Ghazali Yasin: AAB, tak apo lah, balik darikobun kang ese coghito sikit. nak poi bogosihan akar-akar pokok gotah dgn mem. Bye!
    21 minutes ago · Like

    ReplyDelete
  15. Ahmad Fadzil Yassin: AAB, ingat eselah, citer GY ini ado kono-mongono dongan apo yang ese fikir dongan apo yang u fikir agak eh. Sobab cagho GY cakap tu macam "kok tak kito yang toghaso si dio pulak yang togotik!" Ese pon tak soba nak nonga citer GY tu. Yolah GY, tak yahlah nunggu kito oghang ko ghumah U, x tahu bilo joman eh. Ese sotuju dongan AAB supayo GY citer yolah. Tk ado apo salah eh doh. Sobab ese pon nak bandingan citer u tu dongan apa yang ese dan AAB fikiran. Dan mungkin ado banyak laie citer lain yang junior lobih banyak tahu daghi kito oghang senior.Dah tuo-tuo ini kito dah banyak gentelmen, tak ado nak sentimen-sentimen doh, tomasok apo yang AAB sobot di ateh macam "anak orang kere nak membedek anak orang gomen. Tokulat-kulat."
    a few seconds ago · Like

    ReplyDelete
  16. AAB, ese ado info baghu dari kengkawan. Buah hati Faithfully Yours yang taghik diri tak nak komen laie tu ado anak limo duo pompuan. Ese ingat memang dio mintak anak pompuan eh yang nolong dio.

    ReplyDelete
  17. Iyo koh, tak malu deh cito kek anak eh doh kan. Tompi ese ngoba an dio sendiri yang nulih eh tu. tak do anak pompuan eh doh. Heah dio yo tu. tompi Kok iyo pun gasak dio lah kan. Kosa sikit dio dah boikot kito abih. Gak eh maco maco yo deh gak eh kan. Tingga lai dio bisu komen yo. Botuah punyo Orang tuo. Maghin dio yang ngonyam ngonyam nyampok eh kan. Tongah seksodap dio lak bogonti . Ni sumo sympathyser lah nyo advise ni. Hari tu kek ghumah SS hubby eh kan main nogo seh lai doh. Siap kona an diri eh mo. cam dio tau yo si SA kito bini eh. Koh se yo peghasan! Ontah lah AFY. Cito kito si ompong beduo nie!

    ReplyDelete
  18. Abu Aman Bachik: Nai, bebaik ngan tercangkur lak kaki tu nanti. Ha langsung tak dapek cito nanti.
    Sent from my iPad
    29 minutes ago · Like

    ReplyDelete
  19. AAB, sukar kito nak toko. Takut AAB yang poghasan jo sobab biaso eh dio tu di mana pon jumpo memang copek mosgho. Tompi donga khoba copek baghan pulak.Nantilah kalau kito ado poluang ko Gadong nanti ko Batang Nyamor ghumah akak Mohamad Ibrahim februari nanti ese cadangkan kito poi samo-samo dongan ZA sokali. Nanti lopeh reuni kek Batang Nyamor tu bulihlah singgah kek kodai sopupu ese itu makan kuih godobung dan kito lalu dopan ghumah SA yang dah jadi hutan tu. Dokek yo ghumah eh lobeh kughang suku km jo dari ghumah omak ese.Jugak dokek ngan ghumah SS. Komudian kalau nak poi ghumah u kek Air Mawang, boleh gak dan singgah ghumah GY sokali.

    ReplyDelete
  20. Abu Aman Bachik: Iyo boto kete kau eh AFY. Nak orang kere, mano nompan mo anak oghang gomen. Lawa bedongung lak tu. AFY, untung untung GY cito Pasal si SA kito kan. Ngang gak sikit nonga eh kan. Lamo beboto lak dio tak nyongok nyongok kito kan? Pai boto ati eh!
    Sent from my iPad
    37 minutes ago · Like

    ReplyDelete
  21. AAB, jangan ghisaulah tu, sokogheh-koghe ati eh macam koghak nasi yo, lamo-lamo dogondam nanti lombotlah dio. Tunggu jolah. Kaghang ini mungkin dio holiday kot, anak eh bawak main-main kek luar nogogi ko, dalam nogoghi ko, atau ado masalah koluargo, maklumlah koadaan dio bogitu. Kono soba jolah. Ese yakin dio yang dah bodongung nulis panjang lebar boghi komen satu haghi nanti tangan eh gata balik nak buek komen. Biaan dulu lah.

    ReplyDelete
  22. Nasa Abu Bakar to GY : kau suruh kakak kau atau ajar dio buka akaun FB dpt kami semua cite2 kisah lamo2 sebagai mengenang cite2 TBBS ...
    23 hours ago · Like

    Zahriman Alias: Nasa Abu Bakar boleh bukak gambar2 gathering kito di rumah Salleh Simon, ado gambar Saripah cun........
    16 hours ago · Like · 1

    Abu Aman Bachik: Dio kan nikah mo school captain lah NASA . Silap kau tu. yang den tahu SC joman dio tu ialah KR.
    Iyo NASA bukak lah eg gambar kek ghumah Saleh hari itu. ZA ado ambik gambar sipah. Bosa. Tengoklah, lopeh gak ghindu u kek dio.
    19 minutes ago via mobile · Like

    ReplyDelete
  23. I yolah AFY tongah sobolah ni. Kengkadang togohingin yo nak maco komen eh. Nang bak kete kau, bahaso eh elok bubonakan! Cam orang pas tetinggi yo gays eh kan. Hebat yo deh. Sunggohpun seconggeng t3. Iyo lah sensorang tu adolah kelobehan eh kan AFY.

    ReplyDelete
    Replies
    1. Ese ingat botolah yang edit komen dio itu anak pompuan eh yang tuo yang pas universiti, mungkin luar nogori. Itu sobab Bahaso Inggeris eh boghabuk.Bilo u sobot namo eh tu toingat pulak ese satu potang dio datang ko ghumah ese di Gadong bawak sughat dan lopeh tu moncanak dio laghi pulang. Tak cakap sopatah pon dongan ese. Mulo eh ese heran apo sobab dio torus lari. Barulah komudian ese faham. Bilo ingat kesah tu dan toingat pulak citer u tu dah jadi citer kartun pulak, citer oghang mudo bilo jadi selebriti. Tak sangko toboto.

      Delete
  24. Nasa Abu Bakar: Entah lah den dah lupo kut. Bukan rindu cumo mengenang cite lamo sajo. Sapo KR tu.
    50 minutes ago via mobile · Like

    Ahmad Fadzil Yassin: KR ini kan Khalid Rahman, SC Captain TBS tahun 1963, kalau ese tak silap lah.Ese hafal tu, tahun 1961 Sc Captain AAB, tahun 1962, Param dan ese Vice-Sc Captain jo dan tahun 1963 Khalid Rahman.Kalau tak boto AAB boleh boto an.
    a few seconds ago · Like

    ReplyDelete
  25. Hairan bin Ajaib. Dalam Blog sebelum ini Alumni TBSST dengan URL nya http://www.alumnitbsst.blogspot.com banyak posting yang dimuatkan mendapat komen dan respons daripada pelbagai peminat blog dan media sosial ini. Kalau dibariskan yang bagi komen termasuklah individu seperti Sympathizer, Faithfully Yours, anak Rembau yang menetap di Singapura, Hashim Mustafa, Bokeh Pelajar TBS, Kich Moor, X-TBS, Basikal Tuo, Mikuman,Kaum Hawa Ex-TBS, Razak Yahaya, Male Ex-TBS, Hamba Allah, Peramal Tuo , Tak Suko Ngabihan Boreh di samping beberapa Anonymous. Tiba-tiba dalam blog baru yang menggunamakan nama Tampang ini hampir semua pengulas dan penulis komen ini hilang entah ke mana. Kenapa ya? Mungkin ada yang berkata sekarang ini nak bagi komen susah nak masuk blog kerana ada tapisan dan tak boleh diberi laluan sewenang-wenangnya seperti blog Alumni TBSST dulu. Rasanya Admins Tampang tidaklah strict sangat. Komen dan ulasan akan tetp masuk asal jangan mengusik perkara yang sensitif dan bercerita hal peribadi dan menjatuhkan nama orang lain. Rasanya ini penting dan bukan bertujuan untuk menyekat mana-mana mereka yang ingin mengemukakan pandangan dan pendapat waima mereka menggunakan nama anonymous.Ada pula yang kononnya merajuk hati atas alasan tertentu yang tidak pasti apa. Sebenarnya komen dan pandangan mereka ini memang telah menghidupkan blog terdahulu tetapi lebih penting Tampang perlu bertanggungjawab terhadap apa yang disiarkan dalam blog ini. Tidak ada pengecualian. Maka adalah diharapkan pengulas dan yang memberikan pandangan dan komen untuk blog Tampang ini akan terus memngirimkan pandangan dan komen mereka demi memperkasa Tampang. Tampang meminta maaf jika ada dalam kalangan mereka ini yang tersinggung, merajuk atau buat tak kisah lagi. Kejayaan Tampang amat bergantung kepada penyertaan anda semua. Salam hormat dari Tampang. Untuk sebarang ulasan, pandangan dan komen bolehlah dihantar terus ke blog ini dengan menggunakan host name http://www.gadongairmawang.blogspot.com atau http://www.alumnitbsst.blogspot.com kita belum tutup URL blog terdahulu.Partisipasi anda adalah kejayaan Tampang.

    ReplyDelete
  26. Ghazali Yasin: Semaso Form 1 & Form 2 dulu, seronok eh ketika recess. Bilo loceng bunyi, cikgu koluar kelas, ese menyelondek copek-copek, bolaghi sokuek hati nak boli wadi dan wasalodih (kueh lubg tongah macam donuts) kek satu mamak India bawa basikal kek tuck shop. Bawak duit 20 sen. Boli kueh tu togaleh poghut. Sosokali bila dapek duit lobeh, contoh eh abang ipar balik bocuti boghi duit, apo lai kito bojooh makan sakanlah. Pilihan ese - mihun sup campo tahu ikan tenggiri somangkok. Sungguhpun ‘sodagho’ Mr. Yap yg buek maso tu ese lapon yolah, nek moyang sodap! Kalau ado lobih duit lai boli air lamnet sarsi keluaran Long Chan. Kok tak ado duit, lopeh mkn kueh poi togok air paip. Hongeh, sonak poghut, tak pulak sakit poghut doh. Kalau ado maso lai poi pulak bolakang sokolah caghik buah conoghai dan jaweh – untuk vit C! Dah makan tu biaso eh ese dan kawan2 yg saiz kochik2 mcm ese jalan-jalan mundar-mandir ke dopan ko belakang sekolah. Maso tu setiap gerak-geri kawan-kawan, terutamo eh senior kito cukup seronok kito poghati (Yg junior ni bolon goti apo lai – macam anak ayam baghu noteh!) Masing-masing mato tu liar yo momoghati org sodang bojalan, abang-akak sedang besembang, gelak-ketawa – suasano macam ayam dalam goban. Budak pompuan pakai skirt, ado yg toghankek punggung dan tobonjol dado walaupun maso tu masih anak dagho sunti lai – itulah yg sodap mato moghati. Kok ado senior yg bojalan (kata budak nijam bocoupling) anak mato kito nak meta ko situ yo deh. Kito yang kochik ni nompang giang tak tontu sobab! Maso tu couple yg paling harmoni, nampak cukup sodap mato momandang adalah pasangan AFY-Berita Harian. Dio oghang prefect dan bojalan dua2an tu taklah nampak kolanggaan doh. Tapi dalam hati eh sapo yg tau kan. Mungkin dogupan jantung eh macam air cerek sodang mondidih! Ontah apo sobab eh kito suko tengok cagho dio bojalan samo2 – langkah dan lenggang samo macam askar bolatih kawat. Bilo tengok si teruna kacak dan si dara yang manja dan lawa itu berdua2an umpama burung enggan terbang sekawan diawan mako tak tokolit-kolitlah mato kito momandang. Kadang2 sampai tobalik anak mato. Sambil jalan sambil sembang, kadang-kadang togolak-golak tokikik-kik. Yg syok tengok eh maso sang bunga buek gesture tamparan ‘sayang’ kek longan (‘ah, you nih’, agak eh) maso tu syok ese tibo2 togaso macam tengok filem Hindustan - hero dan heroin sodang menyanyi dokek taman, boguling-guling sama! Semaso balik sekolah pun kami suko tengok dia orang. Kalau tak silap AFY-Berita Harian naik bas samo kot. Mungkin lopeh AFY-Berita Harian ‘tamat latihan’ dari TBS kito pun tak tau banyaklah tentang babak indah itu – bosambung koh atau tidak. Beberapo tahun lopeh tu ese tocompak kojo kek USM. Ese mati-matian ingat yg abang-kakak kito ni toghus bosamo tompi donga cogito eh hujan tak sampai ko ptg. Ontah mano silap eh kito pun tak tau. Tompi yg diganti, ikut raut muko eh tu, pun hebat yo maso dulu2 agak eh, kan bang kan?. Wbp, ese fikir lamo yo moleleh air lior Bang oi! Setakat tu cukuplah AFY. Untuk AAB tunggu dulu, ese nak solat dan baghing kojap. Wassalam!
    3 hours ago · Like

    ReplyDelete
  27. AFY seen pun salah yo. Time Hamzah SC eh Akim Yim, time org ghumah den form five 1964. Hamzah bec org ghumah den.

    Beboto lah AFY, sumo eh dah menjauh an kito. Tinggalah kito terkonteg konteng kan. Sib baik GY soroto. Adolah seri eh sikit. Yang lain sumo nyo dap an kito AFY. Padan muko kito!

    ReplyDelete
  28. AFY, hebat beboto lak bahaso adek kito GY Ni kan poumpamaan eh kono boto pilihan eh yo lah yo anak Cikgu yo. Takkan buang bako deh do kan. Bak Kato Iman se patah eh bahaso GY nie mang menceriokan lah. Syabaslah adek se. Torus an lah kehebatan anda tu. ese terkikik kikik nahan golak. Botuah boto budak namo GY nikan! Syabaslah adek se!

    ReplyDelete
  29. Itulah memang handa junior kito yang soghang ini. Ayat eh tosusun tak bocolaghu. Line of thinking very clear dan satu-satu kolua souleh-souleh. Bobakat mek-amek junior kito ini, kalau buek novel memang lanca citer eh. Jalan citer Junior ini boto-boto tosusun, tak payah laie nak kono edit doh. Ese baco pun tokekek-kekek kotawo bilo sampai ko tompek yang monggolikan hati. Sayang mek-amek ado yang macam air bahaso Inggeris eh dah monyopi pulak. Kan bagus kalau ado duo junior yang bagus , soghang dalam BM dan soghang laie dalam BI. Baghulah ummmph Tampang ni. Ese mulo eh tak poghasan kata pombayang eh Berita Harian tu, tompi tak boghapo saat bodotik dalam hati ese lalu tobayang apo bondo eh Berita Harian, lalu ese kotawwo bosa. Memang bokias abih junior kito ini. Tahniah lah, kagahang ini ese nunggu geleran citer untuk AAB lak.

    ReplyDelete
  30. Ahmadfadzil Yassin: Yang cito ini ese tak ingat nabona doh. Ghaso eh camno lak jadi gito yo, sobab ese dongan Berita Harian itu ado kono mongono dari satu koluargo, walaupon soghang insan dan soghan laie suratkobar. Yang ese tahu Berita harian dokek dan solalu balik naik bas dongan kakak ZA, Bedah. Ese satu kolas dongan akak Berita Harian yang namo eh Akhbar Harian. Cumo yang ese tahu bilo ese nikah Johor tahun 1967 ko 1966 bogitu Berita Harian ado datang moraikan. Maso itu agak eh Berita Harian ada pejabat kek Johor Bahru. Ghamai gak yang datang tomasuk Mikuman, kawan baik ese yang ese panggil Dak Abok (nama eh Nasir Mohd Noh), Hafsah Yahaya budak Istana Raja sokolas gak dongan ese dan arwah adik ese Amrah Yasin. Tak ado pulak ghaso bodotik dan baco dongan ponoh minat kandungan Berita Harian. Tak tahulah kalau ese ghonong jo Berita harian itu dan maco dalam dalam hati ese dan maso itu lain yang ese peta kek sokolah dulu. Tompi mungkin gak sikit-sikit tu ado geeh bilo bak kato GY tosontoh longan itu toghaso jo paneh badan ese. Bak kato GY laie kalau tak ese bodotik yang soghang laie monggoletek.Yang ese tahu pado waktu yang samo Berita harian ghapat gak dongan OR. Or ini samo sokolas dongan ese dan OR ini ponah jadi DO Kolo Solango satu kotiko sobolom pindah jadi DO kek Tampin.Tak nyangko boto yo jauh ko situ GY pandang ese dongan Berita Harian. Tompi mokasihlah sobab citer dari kacomatoi GY sondighi. Paling2 ese tahu gak ado junior yang moghatikan gorak gori senior selebrity TBS tahun 1962.Ini boleh bolanja minam cendo kek bas stad Thye Lye dokok Pulau Sobang tu. Sayng bas itu dah takado laie.

    about an hour ago · Like..

    Ghazali Yasin: AFY/AAB/ZA, Oh camtu coghito eh. Kito manolah tau. Asal nampak yo sosiapo bojalan boduo tak ado lainlah dalam otak juniors maso tu. Mungkin masa tu tak cukup matang lai. Bolon pandai bona nak buek telekan. Ini sumo salah ZA sobab dio tak update ese boto2. Kok tidak komen ese di ateh tu boleh dibaikpulih dan diolah baik lai utk dimuatnaik dlm TBSST.

    about an hour ago · Like..

    Ghazali Yasin: Tontang AAB ni bimbang yo ese nak coghitokan sok sek yg ese dongar dulu. Maso ese Form 1 AAB baru tamat Form V dan jadi guru sementara di TBS. Maso tu dio tak nampak macam guru tumpang sobab caro dio bojalan tu nampak sebagai guru senior dan begitu berketrampilan. Lagi satu, AAB maso tu wataknya nampak serious bona. Budak2 monikus (tompi AAB tak ado ngajar kelas ese doh). Kalau macam tu apo lai makwe yg dipeta eh tu pun kocot poghut eh. Maso Form 1, si RA (kok tak silap) samo class dgn ese. Orgnya lawa, natural beauty - mirip seniwati Latipah Omar. Tapi apokan dayo bungo idaman dah dipagar anak jiran sobolah ghumah. Itulah yg ese tau. Kok ado coghito lain mintaklah sapo2 tulis sikit. Dah sampai di ponghujung dahan ni tak apo coghito doh supaya coghito indah2 tu dapek ditulih dan disimpan sebagai arkib TBS.

    ReplyDelete
  31. Ahmadfadzil Yassin: GY, kono baikpulih jalan citer tu dan nak postkan dalam Tampang.Duo citer dalam satu AFY/AAB di TBS. Citer AAB maso jadi Sc Cptain tak ado ko. Ghaso eh misti ado, cuma nampak eh macam GY tak nak citer banyak tontang selebriti TBS AAB ni. Kok citer ese panjang bona, sampai ko citer AAB jadi pendek lak.

    7 minutes ago · Like..

    Abu Aman Bachik: Sapo deh RA tu hah Li. Ese ingin nabona nak tau ni. Anak jiran tu sapo pulak yang dah arwah tu koh. Jiran kek mano? Kek AM koh? Sapo deh RA hah? Roxana Aziz , ROhana Aziz, ramlah Aziz. Rapeah Abu, Rosina Ahmad koh? Ado yang kono toko ti tak, Li? Koba an lah ha!

    5 minutes ago · Like..
    Ghazali Yasin AAB: sumo tekaan AAB dobush bolako. Tak polah, ini coghito lamo, puluhan tahun dah berlalu. Eloklah ese sobut budak tu Rahmah Ali, budak Tg Rimau atau Pulau Sobang. Yg pagar dio tu dulu Hanapiah .... (namo abah eh lupo). Ngaho, tak yang tu koh?

    about a minute ago · Like..

    ReplyDelete
  32. Kau tau sumo cito orang kan Li. Memang kau memeta yo gak eh yo. Eden sendighi tak ingat kesah RA tu lai doh kau buleh ingat! Memori kau beboto cam kamera lah kan. Manis pulak konangan yang kau imbau kan tu Li. Eden jam tu penakut bebona. Kok den beghani mspasang jorek jam tu maun yo nyinggah gak eh kan. Tompi Eden soda diri den sapo. Tu sobab eh den takut bebona, ngurat ngurat nie. Takut kok kono tuiiii an. Elok yo tektakut nie kan?

    ReplyDelete
  33. AFY: nanti ese ubah bahaso dan cantumkan 2 jadi 1.

    50 minutes ago · Like..

    Abu Aman Bachik: Den dah agak dah. Tompi den dah lupo namo eh. Mano deh buah hati den tu maghin gak eh kan? Ado ko deh tidak lai. Eeeeee sogham sojuklah Raso bodan den lah Li. Camnolak kau tau den mang minat kek dio ha Li. Den ado cito kek abang ekau koh hah. Raso den tak do cito kek sesapo doh. Yang den SS kan dio do, ZAB. AFY pun syok yo kek dio. Baco lah selendang sotoro, cerprn AFY, hebat. Ni kisah labu labilak. Carek lah posting awal blog alumni tbsst. Sti kau jumpo.

    35 minutes ago · Like

    ReplyDelete
  34. Ahmad Fadzil Yassin: Bukan labu labi laie doh dah jadi citer cacamerbo dah tunggang tobalik macam citer koluargo 69...

    53 minutes ago · Like..

    Ghazali Yasin: Hai giang amek hati ese. Kali ni mongono. Ok nanti ese buek sedikit research dan lopeh tu bodontum muatnaik ko TBSST. Ese satu kelas dgn dio. Maso tu ese dilayan macam budak kocik (memang kocik pun dan not dangerous at that time ... but not now!). Ese ini ibarat anak tikus yg dapek ditangkap sang kuching. Tak ondak dimakan eh doh. Diotek-otek eh, buek main yo. Jadi dio boganilah bisikan kek se Bang Abu! Hai, apo nak buek. Tak dapek nak bawak si cantik molek tu ko airmawang. Yg AFY syok kek dio tu baghu ni ese tau. Itulah, tak baco dulu 'Tetak kandang jelujur kandang, bukan pandang sebarang pandang, pandang dgn rindu, kobul Allah, Kobul Muhammad' Lopeh tu doalah supaya bukokan pintu hati si .... tu supaya dokek ko jantung hati aku. Itu doa ayat tosirat jam dulu. Nijam tak leh pakai lai doh ... bodoso. Wallahualam!

    38 minutes ago · Like..
    Ghazali Yasin: Oh lupo jawab satu lagi query AAB. Ese tak tau mano RA sekarang. Donga chogito suami eh (seorang pegawai tentera) dah kembali ke rahmatullah. Itu perlu pengesahan. Mungkin Hanapi Hassan, yang samo batch dgn Hanapiah dulu boleh confirm. Hai, dapek tau mano dio ado nijam pun dah cukup melogokan hati kan Bang Abu!

    13 minutes ago · Like..

    ReplyDelete
  35. Abu Aman Bachik: Yo boto kete kau Dek oi. Kok dapek nampak bumbung ghumah eh pun jadi lah nang kete kau eh, Kok dapek jumpo dah tetuo nie lailah TAMBAH uuummph eh kan. Tompek jatuh lai tikonang, apo lailah ompek hati terpelengotkan?

    Sent from my iPad

    3 hours ago · Like..

    Abu Aman Bachik: La iyo koh AFY. Cam no lak tu. tak nampak kek se donai eh tu doh.

    Sent from my iPad

    3 hours ago · Like..
    Ghazali Yasin ABB: Kok Hanapi sahkan boto ese bulih tlg hantar poi tengok ghumah eh. Bulih masuk kojap lopehan ghindu. Agak eh mlm tadi payah mato nak lolap abang ese ni agak eh? Kito tunggu apo kato AFY dulu - mungkin dio tongah wirid lain ni. Dio pun lambek tido mlm tadi!

    about an hour ago · Like..
    Ahmadfadzil Yassin GY/AAB nak poi mano ni dan bilo, ese anytime yo...

    32 minutes ago · Like..
    Ghazali Yasin Hah hai, ini golo dek eh. Nampak sumo bogajat nak poi ziarah cintan AAB yg tak tolopeh kek tgn junior dio tu lah (RA). Kok camtu kono bawak ZA sokali.

    29 minutes ago · Like..
    Ahmadfadzil Yassin Memang pon kalau ese poi soghomban umah Hafi, ese follow ZA, dan dio sotuju nak jompot ese kek ghumah ese Sg. Buloh. Mungkin nak tau dongan CLA dan AAB, nak konvoi samo tak atau poi sobuah duo keto jo. Kono susunlah toboto sobab ni nak jolajah ghombau , soghomban dan Johol ni, marathon ni. Abih nak poie somuo, baik ikut samo yo tak?

    6 minutes ago · Like..
    Ahmadfadzil Yassin Eloklah kalau tuan presiden kito ZA kordinet bondo ini. Kono tanyo bos duu boto tak..

    6 minutes ago · Like..
    Ghazali Yasin Kolanjo an tu Man elok ajak kawan2 lain samo - jgn tingga an Salleh, Aziz, Nabjeah dan yg motan2 eh

    3 minutes ago · Like..

    ReplyDelete
  36. Zahriman Alias: Banyak boto popatah orang tuo yg kau ado GY. seghonok pulak den nonga eh....kau ni elok bona bokawan ngan Ajih Ujang.....dio tu tak abih2 ngan pantun seloka eh. Lagi pun budak Ajih tu bab2 adat popatih kito ni sumo di ujong jari eh....Tapi rugi bona raso eh ktio, si ajih ni tak ghoti nak berfb........

    2 hours ago · Like..
    Ghazali Yasin: Holak Ajis tu camtu Man? Dulu dio kojo kek kapal toghobang tontu tododah dgn sistem komputer. Agak eh dio ni bilo dah pencen dah jadi golongan ahli kitab. Dio duduk mano nijam? Last sokali jumpo dio somaso anak potamo kau nikah kek Kuala Selangor dulu. Ingin yo hati nak bolaja tontang adat popatih ni kek dio. Dio memang petah bocakap.

    about an hour ago · Like..
    Zahriman Alias: Dio duduk kampong nijam kek Mobok, dio lobeh kurang cam den yo suko jadi orang kampong. Den pun borajat bona nak poei nengok kehidupan dio di kampong....mesti banyak ayam itik eh. Dio ado rumah di Shah alam, mulo2 dulu dio terpakso duduk kampong menjago omak eh yang tak sihat. Dio balik pun sorang yo sobab bini eh dongan anak2 pulak di Shah Alam. Sekarng omak eh dah meninggal dan dio dah duduk toruih kampong. ...Dan bini eh pun dak ikut dio sekali.......Jom minggu dopan kito poei ramai2.....lopeh kenduri rumah dak Johari di Somban, kito cau poei Mobok kojap.

    about an hour ago · Like..
    Ghazali Yasin Setuju. Lopeh tu kono dtg ko rumah ese - tak jauh dari Rombau doh - dari kg batu ambik maso 20 minit yo poi Kualo Johol. Ese pun baghu bolo ayam kg - baghu botaktik. Bakhtiar pun duduk kg yo kan?

    about an hour ago · Like..
    Ahmad Fadzil Yassin: elok nabona lah tu, bueklah arrangement, kito raun sobuah ns . kok ado AAB poi ghumah e sokali dan arwah MZMY. Tengok ghumah eh pon jadilah nk sodokah fatihah pado arwah tu, on the way back bulihlah singgah ghumah ese kojap kek gadong sobab ese dah order godobung kek adik pompuan ese. Tompi waktu itu mungkin dah sejuk kot sobab biaso eh sopupu ese yang buek godobung kek kodai dio itu buek sobolah pagi yo.

    about an hour ago · Like..
    Ghazali Yasin Ok Man, bola nijam kek kaki kau. Ese ngikut yo.

    about an hour ago · Like..

    ReplyDelete
  37. Li den memain yo kek ateh tu. nak nyongok RA. Mintak maaflah. Soram sojuk lak ghaso bodan den. Den kan biaso bercakap sepatah pun ngan dio maghin. Alah hai tak ondak den doh. Usahlah sesusah an nak mintak HH confirm an. Tak yah doh. Timokasih yo lah bebanyak, dek oi ombong eh! Tak tokilan sebosa habuk pun den doh dek oi. Kok nak jumpo Nora eh buleh lah. Kok ado deh lai. Dio tu yo boto tompek hati terpaut maghin. RA tu tak ponah cakap sepatah pun ngan dio. Kok kau nak jumpo, poilah. Pai an Salam den yo. Itu pun Kok dio kona den lai. Kok tak buek jobo yo. Moseh yo lah dek oi!

    ReplyDelete
  38. Zahriman Alias: Boleh jugak singgah rumah kampong sei maso dalam perjalanan dari chongkau ko Mobok...... adik sei yg duduk.

    52 minutes ago · Like..











    Ghazali Yasin IO: Selamat Datang Sahak. Ekau baghu timbo! Apo pulak takut moncolah. Laman FB ni luas. Masok yo. Buek mcm nyanyi karioke kondughi kawin tu, yg sogho mcm katak dlm lubang pun nak nyanyi yo. Podulikan, maghi samo2 kito ngocha. Lubok eh bosa sini. Apo dapek balon yo lah. Dah pencen ni nak buek kojo boghek2 tak todayo. Dapek asah otak cagho ini segar yo ghaso bodan.

    38 minutes ago · Like..











    Ghazali Yasin AAB: Ese dah faham bona dah Bang Abu ni. Acah yo lobeh. Bak kato arwah abah ese maghin. "Cakap yo loguh logak tompi tak boghani. Macam org cacak kayu paga - angkek yo tinggi tompi masuk eh tak dlm". Abah ese dulu sungguhpun kocik yo oghang eh tompi handa! Tompi bilo tibo kek anak eh tak pulak doh - jenis boghani2 takut. Boghani sikit dari AAB!

    33 minutes ago · Like..











    Ghazali Yasin ZA: Jadi, sampai rumah ese dlm kul 4 ptg (25/12) lah yeh? Kok camtu minam teh tinggilah kito nanti. Kami sekeluarga mengalu-alukan ketibaan abang2, akak2 dan adik2 semuo (termasuk Dato'2 dan Datin2 sokali).

    25 minutes ago · Like..











    Abu Aman Bachik Yo lah IO. Fb kito Ni spesel untuk OP, Dan RTM. Apo malu apo sogan an. Sumo pon samo yo. Datuk lako sumo eh. Tak do tan dan tun seri eh do. Sumo Datuk god given punyo.

    Sent from my iPad

    21 minutes ago · Like..











    Abu Aman Bachik Iyo lah tu dek se oi. Bang bak apo eh lah. Janji cito kito dah siap. Kito dah hongeh nunggu eh dah ni. Lelai bolon yo, lelai bolon yo. Lambek nabona lah siap eh. Janji eh loguh logah teboto. Kito telangok langok lah nanti eh. Sodap nabona koh gek eh? Payah nabona pulak siap eh!

    Sent from my iPad

    12 minutes ago · Like..















    Write a comment...
    .













    .





















    .





















    .





















    .





















    .
    .









    ReplyDelete
  39. Abu Aman Bachik: Iyo lah tu dek se oi. Bang bak apo eh lah. Janji cito kito dah siap. Kito dah hongeh nunggu eh dah ni. Lelai bolon yo, lelai bolon yo. Lambek nabona lah siap eh. Janji eh loguh logah teboto. Kito telangok langok lah nanti eh. Sodap nabona koh gek eh? Payah nabona pulak siap eh!

    Sent from my iPad

    35 minutes ago · Like..
    Abu Aman Bachik: Mano AFY kito. Suleh pun tak kuar komen eh. Tadi dio yang io io bona. Dah masuk tarang eh koh deh. Dah stat Ngoram koh deh?

    23 minutes ago · Like..
    Ghazali Yasin AAB: Dah timbo deh dah. Boboghapo minit tadi ese kesan AFY masuk dalam lubok lain! Tak lamo lai topaco lah deh tu!

    14 minutes ago · Like..
    Ahmadfadzil Yassin: Ado baghu jo bukak fb. Tadi ese dah bincang dongan CLA dan Salleh Johari kek Rasamas Sungai Buloh. Dah baghi tahu Salleh Johari tarikh dan hari khonduri kek MPS Soghomban itu. Insya-Allah datang keteh. CLA mintak jugak kek Presiden kito untuk kordinasi konvoi kalau ghamai yang nak poi.Ese nurut jo. No hal punyo.Ese cadangkan dari Soghomban lopeh khonduri kahwin kito ko Ponajih lalu ko Mobok, lopeh tu ko kodai yang muek godobung untuk minam teh dan akhir eh ko ghumah Ghazali Yasin. Elok-eloklah tu kito pokono teh Tinggi kek sinun. Salleh Johari lopeh Soghomban mungkin pisah ado hal di tompek lain keteh. Nanti confirm somulo. Jadi tingga Tuan Pesiden nontuan maso nak bogorak dari Soghomban dan tontukan boghapo keto yang nak boangkek.

    a few seconds ago · Like

    ReplyDelete
  40. Ghozali Yasin pon ado sobot sampai kek ghumah eh lam puko 4.30 sodang-sodang elok sangat untuk sesi teh tinggi...

    ReplyDelete
  41. Zahriman Alias: Ok sei akan hubung ajih.....timing nak kono boto sobab kito nak poei banyak tompek. Kito kono poei kenduri awal nak ngoja kan maso. Ado cadangan.....kito leh konvoi, ajak Car Lim Aboo, musti bawak AAB......dan war2kan, sapo lagi nak ikut konvoi boleh la......

    8 hours ago · Like..
    Car Lim Aboo Ese ikut ajo kau bori timinglah mano nak tunggu berkumpul jam berapo kek mano?

    52 minutes ago · Like..
    Ahmad Fadzil Yassin Kito tunggu cadangan kongkrit kordinator apa yang perlu kita lakukan. Ese nurut jo...

    44 minutes ago · Like..
    Zahriman Alias Dah, esei dah up-date perkombangan....co baco yg gamba AAB kek rumah Saleh somen tu......

    ReplyDelete
  42. Ghazali Yasin: Nampak eh itinerary tu cantik. Ese akan ikhtiarkan buek gondang (cubo caghi itik nilo, itik kacoh tak sodap - ado bau sikit). Tak payah melencong ko kondong doh sobab buang maso. Ese akan suruh org Johol buek. Solalu eh sodap. Maso ghayo ese tompah kek diolah. Yg ese nak tau bogapo org yg nak dtg - takut nanti tak cukup cawan!
    4 hours ago · Like

    Zahriman Alias Tak payah susah2 buek lomang doh.....kek kondong tu selalu ado yo lomang, raso eh pun sodap......anggap tu buah tangan kito lah pulak.....dan dari kg Porah ko kondong kan jauh, limo minit yo.....
    4 hours ago · Like

    Ghazali Yasin ZA: Noted. Baru balik rumah. Hari ni dapor tak bogasap orang rumah tak borapo sehat. Agak eh kono hujan somalam. Di gerai makan Air Mawang tojumpo kawan kita Maamor Manaf (Adik pd Ghani, Razak dan abang pd Habibah) sdg makan bersama seorang rakan beliau, bekas pelajar RMC. Apo lai, pueh sembang dari topik berkaitan ibadah haji/umrah hinggalah peranan zionist yg memporakperandakan dunia Arab masakini. Maamor ni sgt kuat membaca dan pengetahuannya dalam pelbagai disiplin sangat luas. Sdra kito ni sangat petah berbahasa Inggeris. Isu2 yg komplek seperti ilmu astronomy boleh diperjelaskan dlm bentuk yg amat mudah kito faham. Pendekan cerita, katanya: dunia tak mungkin akan kiamat pd 21/12 ini sepertimana mengikut kepercayaan masyarakat Mayar. Jadi, 25 Disember ini, Insya'Allah, kalau panjang umur kito sumo akan dapek makan lomang cocah gondang itik di Kg. Kuala Johol!
    15 minutes ago · Like

    ReplyDelete
  43. Zahriman Alias: Isteri sei posan suruh AFY bawak isteri jugak.....
    4 hours ago · Like

    Ghazali Yasin: Nampak eh itinerary tu cantik. Ese akan ikhtiarkan buek gondang (cubo caghi itik nilo, itik kacoh tak sodap - ado bau sikit). Tak payah melencong ko kondong doh sobab buang maso. Ese akan suruh org Johol buek. Solalu eh sodap. Maso ghayo ese tompah kek diolah. Yg ese nak tau bogapo org yg nak dtg - takut nanti tak cukup cawan!
    4 hours ago · Like

    Zahriman Alias: Tak payah susah2 buek lomang doh.....kek kondong tu selalu ado yo lomang, raso eh pun sodap......anggap tu buah tangan kito lah pulak.....dan dari kg Porah ko kondong kan jauh, limo minit yo.....
    4 hours ago · Like

    Ghazali Yasin: ZA, Noted. Baru balik rumah. Hari ni dapor tak bogasap orang rumah tak borapo sehat. Agak eh kono hujan somalam. Di gerai makan Air Mawang tojumpo kawan kita Maamor Manaf (Adik pd Ghani, Razak dan abang pd Habibah) sdg makan bersama seorang rakan beliau, bekas pelajar RMC. Apo lai, pueh sembang dari topik berkaitan ibadah haji/umrah hinggalah peranan zionist yg memporakperandakan dunia Arab masakini. Maamor ni sgt kuat membaca dan pengetahuannya dalam pelbagai disiplin sangat luas. Sdra kito ni sangat petah berbahasa Inggeris. Isu2 yg komplek seperti ilmu astronomy boleh diperjelaskan dlm bentuk yg amat mudah kito faham. Pendekan cerita, katanya: dunia tak mungkin akan kiamat pd 21/12 ini sepertimana mengikut kepercayaan masyarakat Mayar. Jadi, 25 Disember ini, Insya'Allah, kalau panjang umur kito sumo akan dapek makan lomang cocah gondang itik di Kg. Kuala Johol!
    33 minutes ago · Like

    Ahmadfadzil Yassin: Nampak eh program ZA di ateh ini cantik. Eloklah kito teruih ko sinun dan jumpo kek MPS. Dan lopeh itu kito ikut jadual ZA ini dari Soghomban ko Penajih, lalu ko Mobok, lalu ko Kendong boli Lemang. Lopeh itu ko Gadong makan godobung, ikut Kg Batu ko Johol ko ghumah GY. Kek ghumah GY bomulalah sesi REUNI koduo di Johol lopeh Reuni potamo di MPS Soghomban dan kalau ado maso kito peta-petalah ghumah AAB dan arwah MZMY sokali. Dan longkaplah program soharian kito jolajah Soghomban, Ghombau dan Johol. Ese akan jadikan itinerary ini sobagai pongumuman sobontar laie, info untuk kengkawan yang ingin ikut serto. Kalau Dewan Bahaso ado program Kombara Bahaso eh tiap tahun , kito pun boleh muloan dongan apa yang kito baghi namo Program Kombara TIBIES.Amacam ok!
    about a minute ago · Like

    ReplyDelete

  44. Ghazali Yasin: AFY, Program Kombara TIBIES - cantik!
    15 hours ago · Like

    Ahmadfadzil Yassin: Haghap ese ghamai kengkawan sotujo dongan namo ini.
    14 hours ago · Like

    Zahriman Alias: Program Kembara TIBIES.....yeay, cantikkk.......
    13 hours ago · Like

    Ishak Othman: Abg GY nak moncolah tp tak tau apo nak nak di colah an. Kalau dgn geng se batch 69 ado moda sikit nak usik dio oghang. Dgn abg2 ni se sogan sikit nak gughau lobih2 Bak kato org tuo2 kono hormat oghang lamo. Nanti tosalah gughau kocik ati pulak abg2. Tunggulah kok ado moda sok se moncolah, Ttg kembara tu se sotuju bona tp bodan se 2 3 haghi ni hangka yo raso eh. Mintak2 bodan se sihat pada aghi tu sok, Ese mmg nak ikut.
    about an hour ago · Like

    ReplyDelete
  45. Ghazali Yasin: AFY, Apo yg ese kato tu realiti. Takkan oghang tu kolam yo air muko eh ese nak puji melangit. Itu perli namo eh tu. Tang jwtn School Captain tu memang tak dapek kek abang Fadzil doh. Maso tu Mr. Sivam jadi HM jadi dio tontu boghi kek Param. Yg sobona eh politik kotor ni dah mulo maso 60an lagi di TBS. Ingat tak maso assembly dimano arwah Nordin Mahmud dilucutkan jawatan prefect eh ateh kosalahan yg ese kurang pasti. Apo Sivam laungkan maso tu - "He is a Malay, a Malay - M A L A Y..." Maso tu arwah Cikgu Dol nyaghi2 nak koluar dari staff room nak poi tumbok Sivam tapi dihalang oleh Cikgu Hamzah Othman (tarasvolva!). Nanti ese cubo caghi Cikgu Hamzah kek Sonaling dan ajak sokali ko ghumah ese hari Natal ni. Kok macam mano pun, bilo jumpo di KL nanti AFY yg kono bolanjo ese. Puji2 ni nak yo kono bolanjo teh tarik eh. Sorry, ghurau bang!
    2 hours ago · Like

    Ahmadfadzil Yassin: A'ah kan dah boto. puji cucur atap ghupo eh nak teh tarik hehehe. A'ah yo goloh dek ek GY. U ni boto-boto pulling my leg lah. Kalau tak puji camni pon ese boleh bolanjo lobeh daripada teh-tarik. Kuih godobung pon bulih hanyo kuih istimewo ni tak ado kek KL hanyo ado kek Gadong dan tonyamor jo. Bocakap tontang Sivam tu sapo tak kona dio. Macam bec ese dulu dio tak bonaan sapo-sapo amik Malay Literature pado hal dah ado aturan kalau ado lobih daripado 15 oghang student yang ingin amik Malay Literature untuk School Certificate, TBS akan bonaan amik mato polajaran itu, walaupun kono bolaja sondighi. Tompi Sivam yang ngaja English Literature dalam kelas ese, dio wajibkan tiap student amik mato polajaran English Literature. Dan bilo ado sosapo yang tak dapek jawab soalan dio mako mulolah dio "maki" oghang Melayu ini "murutlah, jakunlah, dayaklah, bajaulah dan sogala namo kawan-kawan yang sowaktu dongan oghang yang dalam hutan di Semenanjung ni.Tompi konapo ese tak dilantik School Captain itu ado sobab lain, sobab lobeh bosa, sobab ese laghi dari sokolah sobolom cuti stat hujung tahun 1961. Ese hanyo masuk dua minggu lopeh sekolah masuk somula tahun baru 1962. Jadi macam kono tindakan disiplinlah. Ado ese donga citer eh yang ese memang ado hajat Sivam nak lantik ese jadi School Captain, tompi poi ko Param. Ado sumber yang bagi tau ese komudian dan layak dipercayai. Mr. Nadarajah yang ngaja ese Matematik pornah bisikan pado ese kek poc keto dopan ofis Sivam tu bilo dio panggil ese maso ese nak balik sokolah. Ese ghaso ia tak ado kono mongono dongan tabiat racialnya Sivam. But that is beside the point. Jangan u salah kerop laie pulak.
    56 minutes ago · Like

    ReplyDelete
  46. Ghazali Yasin: AFY Bagi pendapat ese 2 versi tu ada asasnya. 1) sikap rasis HM begitu ketara ketika itu. Dikalangan guru saya tak rasa begitu sgt. Yg baiknya perbezaan w kulit itu tidak dihirau oleh pelajar 2) Soal disiplin itu pun tidak dpt diketepikan dlm decision making pemilihan SC. Hakikatnya pd tahun 60an tak ramai guru dari kalangan org kito. Ado pun cumo ajar BM – bukan kump dominan dan suara 1,2 guru itu tak cukup kuat. Yg pelik bagi saya: mengapa Mr. Nadarajah (dari ramai guru2 lain) yg reveal perkara itu pd AFY? Ah, itu ceghito lamo tapi sikap feudal yg tak berani melawan arus dikalangan org kito, walaupun dihina, begitu kuat ketika itu (masih tebal lagi masakini!). Bagi saya episod melibatkan arwah Nordin Mahmud dan Hanapi Hassan (saya ingat dio pun terlibat) berlalu begitu saja dan tak ada siapa yang protest hamburan racist Sivam itu! Anyway, mano AAB, ZA dan IO? Gelanggang kito sunyi yo mlm ni. Agak eh kawan2 kito dah mengambor ko gelanggang lain tak?
    11 minutes ago · Like

    Zahriman Alias: Kito ado kek dalam Tampang....bincang pasal Kembara TIBIES
    4 minutes ago · Like

    Ghazali Yasin: Oh maaf ganggu.
    2 minutes ago · Like

    Zahriman Alias apolak ganggu eh....ni program nak poei rumah kau ni.....
    about a minute ago · Like

    Ghazali Yasin Oh, yo yo yeh. Carry on bro!
    a few seconds ago · Like

    Ahmadfadzil Yassin: gelanggang ini pon molibatkan u juga GY, sobab kito tongah nak clearkan acara kombara ko ghumah u kek Johol tu. GY kono tengok duo-duo sokali.
    a few seconds ago · Like

    ReplyDelete