ZAHRIMAN: KESAH LAMO PENGHUNI ASRAMA TUNKU BESAR TAMPIN

  1966 maso sei duduk hostel, kek sebolah hostel tu kan ado kuaters askar British. Kuaters yg paling dokek ngan asrama tu diduduk dek sorang sarjan namo Mr  Wallbank. Dio tu memang tak nak amik kisah ngan kito, menyampah adolah agak eh sobab budak2 ni memokak jo kojo eh. Tapi dio ado anak daro sorang umur 15 tahun lobih namo Sheila.

 

Zahriman Alias (tengah) mungkin "share joke" dengan Car Lim Aboo (kiri) dan Zain Yassin tontang cito kehidupan asrama di TBS Tampin tahun 1960'-an dulu. Foto 23 Ogos 2012 di rumah Zahriman diabadikan Ahmad Fadzil Yassin.

 

Sheila ni memang kaki gatal....ari2 dio datanglah ngan kengkawan eh, sumo budak pompuan mengete yo kek topi pagar asrama tu. Apo lagi budak2 hostel pun tekinjo2 lah melayan mereko. Ado yang berani menciumlah anak owgputih tu dari colah2 lubang pagar tu. Iyo boto, kan olok2 ni doh....memang gata rupo eh anak2 owgputih ni.

Sei nengok yo perangai budak2 kito ni.....maklum maso tu ni sei naib ketuo prefek asrama. Jadi sei tunjuk alim2 kucing yo lah.....Tapi naib ketuo prefek asrama ni sebona taklah baik bona doh......syyyyy, mano bulih cakap apo kito buekkk.....hehehe. Gamba Sheila pun ado lagi sei simpan....ni tongah carik mano poei eh albam tu agak eh......hehehe.

First posted on May 4 2012 at 4:38am

5 comments:

1. 
   ALUMNI TBSST25 August 2012 03:36

   Kenkawan, kenapo tak join this site (blog) ini.Blog in untuk kenkaawan berkomunikasi dalam kalnagan anggota TBSST. Kenpo tidak klik "Join this site" di sisi sebelah kanan blog ini dan masukkan akaun kenkawan melalui yahoo atau gmail dan join. seeloknya masukkan gambar kenkawan sekali supaya dapat kita konal sapo kenkawan. Mudah jo. Dengan cara ini lebih ramai kenkawan dapat mengadakan hubungan secara interaktif melalui blog ini. Marilah kita coba.

   Reply
2. 
   Anonymous25 August 2012 03:40

   Den lihat ada gambar Car Lim Aboo dalam posting di ateh. Dan den tahu CLA ini pengolar sikit oghang he. Kek sekolah dulu CLA memang kuek joke. Tak koring gusi dibuek he. Den yakin CLA banyak corito kek sokolah dulu. Sharelah dongan kenkawan. Hei brother, amacam sotuju kata-kata den ni hehehe

   Reply
3. 
   Anonymous25 August 2012 03:43

   Hattar Othman, ontok yo tak nak komen ko posting dalam blog ini. Ekau banyak cito kan waktu di asrama dulu. Verify lah sikit cito Zahriman kito ini. Ese pun torujo nak dongar. Dah lamo dah ekau tak post kek blog ini. Takkanlah nak jadi budung tokukor nonggok kek padi robah dalam sawah jo.

   Reply
4. 
   ALUMNI TBSST25 August 2012 03:45

   Alumni wanita TBST ini sonyap jo. Kalau tak duduk asrama pun citolah sikit tentang pengalaman di sekolah TBS dulu. Alumni batch 1957 tentu banyak cerito di sekolah tu dulu. Sharelah dongan kito oghang.

   Reply
5. 
   Anonymous25 August 2012 06:25

   Ha ah sharelah cito 1957 tu dapek yang junior junior ni tahu tontang batch senior senior kan? Ngan kodokut pengalaman tu. simpan yo pun buek apo. Keluar an lah kak oi bang oi!

   Reply